«Alqaptan sórege deıin»: Úsh oblysta 11 myń tonna ónim deldalsyz satylǵan
Májilis ókilderi Elnur Beısenbaev, ıÝrıı Jýlın pen Erlan Saırovtyń depýtattyq saýalyna bergen jaýabynda Premer-Mınstr Asqar Mamın AÓK salasynda kooperatsııany damytý boıynsha qabyldanyp jatqan sharalar týraly málimet berdi.
«AÓK damytýdyń ulttyq jobasy sheńberinde aýyl sharýashylyǵy kooperatsııasyn damytý boıynsha zańnamany jetildirý, onyń ishinde kooperatsııany damytý ortalyqtaryn qurý kózdelgen. Sondaı-aq kredıttik seriktestikterdiń kórsetiletin qyzmetteriniń tizbesin keńeıtý (jınaq aqshalardy qabyldaý, aýdarym operatsııalary), qatysýshylardyń oǵan kirýi men shyǵýyn barynsha ońaılatý boıynsha zańnamaǵa ózgerister engizý jónindegi máseleler pysyqtalatyn bolady», - deı kele, Úkimet basshysy jeke qosalqy sharýashylyqtardy qoldaý úshin jaıylymdarmen, jem-shóppen qamtamasyz etý, ótkizý naryqtaryna qol jetkizý boıynsha sharalar qabyldanatynyn aıtady.
Sonyń negizinde aýyl sharýashylyǵy kooperatsııasyn, onyń ishinde óndiristik, tutyný, servıstik jáne qarjy kooperatıvterin damytý úshin jaǵdaılar jasalmaq.
«2020 jyly Memleket basshysynyń tapsyrmasy boıynsha Almaty,
Jambyl jáne Túrkistan oblystarynda aýylda «alqaptan sórege deıin»
kooperatsııalyq tizbegin damytý jónindegi pılottyq joba iske qosyldy. Úkimet
rezervinen 3 mlrd teńge somasynda bıýdjettik kredıt bólindi. Jobaǵa 2500 jeke qosalqy sharýashylyqtyń basyn qosqan 15 aýyl kooperatıv, 8 qaıta óńdeý kásiporny, 141 aýyl sharýashylyǵy taýar óndirýshileri jáne 82 saýda obektisi tartyldy. Úsh oblysta 11 243,7 tonna ónim jáne 5 205 myń dana jumyrtqany deldaldardyń qatysýynsyz ótkizý uıymdastyryldy», - delingen Prmer-Mınıstrdiń jaýabynda.