Alqabıler taǵylǵan búkil aıyp boıynsha Trampty kináli dep tapty

<p>ASTANA. KAZINFORM &ndash; Nıý-Iork cotynda alqabıler AQSh-tyń burynǵy prezıdenti Donald Trampty 2016 jylǵy saılaý aldynda burynǵy pornoaktrısa Stormı Denıelske qatysty tólemaqyny saılaýshylardan jasyrý úshin qarjy esebin burmalaǵany úshin kináli dep tapty, dep habarlaıdy <a href="https://www.bbc.com/russian/articles/c144rqr8nl9o" target="_blank" rel="noopener">VVS.</a>&nbsp;&nbsp;</p>

Manhettendegi sot protsesiniń tarıhı máni bar — Tramp qylmys jasaǵany úshin kináli dep tanylǵan alǵashqy eks-prezıdent.

Oǵan barlyǵy 34 bólim boıynsha aıyp taǵyldy. Alqabıler ony barlyq epızod boıynsha kináli dep tapty.

Burynǵy prezıdentke sotqa tóraǵalyq etetin sýdıa Hýan Merchan úkim shyǵarady. Bul 11 shildede bolady.

Sot zalynan shyqpas buryn Merchan alqabılerge isti qaraýǵa laıyq nazar aýdarǵany úshin alǵys aıtty.

Osy aptada bir jarym aıǵa jýyq ýaqytqa sozylǵan sot otyrystary aıaqtaldy. 

Іstiń barlyq mán-jaıyn anyqtaý úshin sotqa kóptegen kýágerler shaqyryldy, olardan prokýrorlar men eks-prezıdenttiń advokattary jaýap aldy.

Seısenbi kúni sot taraptardyń qorytyndy dálelderin tyńdady, al sársenbide Merchan qazylar alqasyna sońǵy nusqaý berip, olar úkimdi talqylaýǵa ketti. 

Aıypty nemese kináli emes dep taný úshin búkil alqabılerdiń biraýyzdan sheshimi qajet boldy.