Alqabıler soty qansha isti aqtap aldy
«Elimizdegi alqabıler soty 2007 jyldyń 1 qańtarynan bastap engizildi jáne 15 jyl boıy jumys istep keledi. Bul – bizdiń sot júıesin damytý baǵytynda óte mańyzdy shara. Alqabıler soty qylmystyq protsestiń negizgi qaǵıdattaryn: jaryspalyq pen taraptardyń teńdigi, kinásizdik prezýmptsııasyn jáne basqa da qaǵıdattardy bekitýde mańyzdy oń ról atqarady. Qazir alqabıler soty qaraǵan ister boıynsha 10 paıyzyna deıin aqtaý úkimin shyǵarady. Al jalpy sottarda bul kórsetkish 1,5-2 paıyzdy ǵana quraıdy», - dedi Ábdirashıd Júkenov.
Onyń aıtýynsha, alqabılerdiń qaraýyna jatatyn ister boıynsha sotqa deıingi tergeýdiń sapasy áldeqaıda joǵary. Taraptar sot talqylaýynda belsendilik bildirdi.
«Alqabılerdiń soty – bılik pen halyqty jaqyndastyrýdy qamtamasyz etedi, qoǵamnyń quqyqtyq deńgeıi men quqyqtyq mádenıetin, sondaı-aq sotqa degen senimdi arttyraýǵa yqpal etedi. 2007 – 2009 jyldary aralyǵynda alqabıler ólim jazasy men ómir boıyna bas bostandyǵynan aıyrý jazasy taǵaıyndalatyn qylmystar boıynsha isterdi qarady. Osy kezeńde alqabıler qatysqan isterdiń sany jylyna shamamen 50 is boldy. 2010-2012 jyldar aralyǵynda alqabıler soty qaraıtyn ister sanaty búkil asa aýyr qylmystarǵa keńeıtildi. Mundaı qadam alqabılerdiń qatysýymen qaralatyn isterdiń 10 esege ósýine ákeldi. Іsterdiń sany jylyna 300-den asty», - dedi Á.Júkenov.
Onyń sózine qaraǵanda, 2013 jyly alqabıler sotyn qaraıtyn ister qaıta azaıtylyp, olardyń qaraýynda tek ólim jazasy men ómir boıyna bas bostandyǵynan aıyrýǵa ákep soǵatyn ister ǵana qaldy.
«Mundaı ózgeris alqabıler qatysatyn isterdiń kúrt tómendeýine ákeldi. Bir jylda shamamen 50-60 is qaraldy. 2015 jyly «100 qadam» Ult josparynyń asynda alqabıler qaraıtyn ister sanaty asa aýyr qylmystardyń 14 quramyna deıin keńeıdi», - dedi Ábdirashıd Júkenov.