Álııa Raqysheva Senat Apparatynyń basshysy bolyp taǵaıyndaldy

NUR-SULTAN. QazAqparat - QR Parlamenti Senatynyń tóraǵasy Máýlen Áshimbaevtyń ókimimen Álııa Ǵalymjanqyzy Raqysheva Senat Apparatynyń basshysy bolyp taǵaıyndaldy. Bul týraly Senattyń baspasóz qyzmetinen málim boldy, dep habarlaıdy QazAqparat.

Á.Ǵ. Raqysheva 1980 jyly týǵan. Qazaq memlekettik zań akademııasyn bitirgen. Ár jyldarda Qazaqstan Respýblıkasy Ádilet mınıstrliginde, Qazaqstan Respýblıkasy Ortalyq saılaý komıssııasynda basshylyq laýazymdarda boldy.

2013 jyldan Qazaqstan Respýblıkasy Prezıdenti Ákimshiliginiń Memlekettik quqyq bóliminiń meńgerýshisi bolyp jumys istedi, 2018 jyly Qazaqstan Respýblıkasy Prezıdentiniń Ákimshiligi basshysynyń orynbasary laýazymyna taǵaıyndaldy. Qazaqstan Respýblıkasy Parlamenti Senatyna deıin QR Prezıdentiniń Keńesshisi boldy.

Budan buryn habarlanǵandaı , Álııa Raqysheva QR Prezıdentiniń keńesshisi qyzmetinen bosatyldy.