Álipbı aýystyrýdan saıası astar izdeýshiler qatelesedi - Erden Qajybek

ASTANA. QazAqparat - «Álipbı aýystyrýdyń negizgi sebebi - taza tildik qajettilikke tikeleı baılanysty. Budan saıası astar izdeýshiler qatelesedi». Búgin Májiliste ótip jatqan «Memlekettik tildiń latyn grafıkasyndaǵy álipbıiniń biryńǵaı standartyn engizý máseleleri týraly» parlamenttik tyńdaý kezinde Ahmet Baıtursynuly atyndaǵy Til bilimi ınstıtýtynyń dırektory Erden Qajybek osylaı dedi, dep habarlaıdy QazAqparat.

Onyń aıtýynsha, bul tek qana tildiń reformasy emes - dil reformasy, janymyzdyń jańǵyrýy, mańyzdy strategııalyq baǵdarlama; bolashaǵymyzdyń tizginin óz qolymyzǵa alýdyń, Prezıdent sózimen aıtsaq, «bolashaqqa baǵdar», «rýhanı jańǵyrýdyń» ózegi, Qazaqstannyń 30 damyǵan eldiń qatarynda sap túzeýiniń jarqyn kepili.

Odan bólek maman bul bastamaǵa tek qazaqstandyqtar ǵana emes, syrttaǵy otandastarymyz da tileýles bolyp otyrǵanyn aıtty.

«Ult kóshbasshysy, Elbasy tapsyrmasyna sáıkes bul keleli másele qalyń jurtshylyqtyń belsene qatysýymen belsene qatysýymen iske asyrylýda. Eldiń túkpir-túkpirinen, shetelden, aýyldan da, qaladan da, halyq qalaýlylary men memlekettik qyzmetkerler, ǵalymdar men zeınetkerler, jastar men syrttaǵy otandastarymyz - bári de óz úlesterin qosýǵa tyrysýda, bári de batalaryn berip, tileýin tileýde, hattaryn jazyp, jobalaryn joldaýda. Keńesip pishken ton kelte bolmaıdy deıdi halqymyz. Biz ǵylymı ortada, zııaly qaýym ókilderi arasynda kóptegen basqosýlar uıymdastyrdyq. Ulttyq komıssııanyń jumys tobynyń bastamasymen jıyrmadan astam ǵylymı uıymdastyrý jáne ǵylymı tájirıbelik is-sharalap ótip, olarǵa eki jarym myńǵa jýyq zııaly qaýym ókilderi baıandama jasady», - deıdi Erden Qajybek.  

Erden Qajybektiń aıtýy boıynsha, qýantatyny - búgin qazaqstandyqtardyń basym kópshiligi osy úrdisti sana-sezimimen, jan-tánimen qoldaıdy. Máselen, belgili otandasymyz professor Murat Sultansháripuly, Reseıdegi otandasymyz túrkolog Erkalı Ázerbaev, depýtat Azat Perýashev qoldaıdy. Kóptegen shetel ǵalymdarynan, Eýropa men AQSh-tan, Túrkııa men Koreıadan usynystar, jobalar, hattar kelip jatyr. Erden Qajybek negizgi maqsat - tildik qajettilikke tikeleı baılanysty ekenin erekshe atap ótti. 

«Men bul jerde latynǵa bizden buryn kóshken túrki tektes memleketter men Eýropadaǵy elderdiń tájirıbesi muqııat saraptalǵanyn atap ótkim eledi. Kemshilikter anyqtalyp, artyqshylyqtar tizildi. Keıbir tilderde mańyzdy dybystar mańyzdy dybystar eskerilmeı túsip qady, keıbir tilderde ǵylymı ádisteme jasaý reformalary toqyrap qaldy. Al keıbireýlerinde naýqanshyldyq basym boldy. Bizde bunyń bári jan-janqty eskerilýde», - deıdi Erden Qajybek.