Alımenttik bereshekti azaıtyp kórsetken: Pavlodarda jeke sot oryndaýshylary jazalandy

<p>ASTANA. KAZINFORM - QR Bas prokýratýrasy Quqyqtyq statıstıka jáne arnaıy esepke alý jónindegi komıtetiniń Pavlodar oblysy boıynsha departamenti jeke sot oryndaýshylary (JSO) tekserý barysynda alıment boıynsha bereshek somasyn jasandy túrde tómendetkenin (500 mln.&nbsp;teńgeden<strong>&nbsp;</strong>astam somaǵa) anyqtady.</p>

Qazirgi ýaqytta alıment boıynsha bereshek 4 mlrd. teńgeden astam somany qurady.

Sonymen birge, júrgizilgen tekserý barysynda jeke sot oryndaýshylary elden shyǵýǵa, notarıattyq is-áreketke tyıym salmaǵany, alıment boıynsha jalpy somasy 352 mln. teńgeden astam bereshek bolǵan kezde múlikke tyıym salmaǵany anyqtaldy, bul kámeletke tolmaǵandardyń quqyqtaryna keri áser etti.

Joǵaryda kórsetilgen buzýshylyqtar boıynsha 5 JSO ákimshilik, 22 JSO tártiptik jaýapkershilikke tartyldy, 1 JSO lıtsenzııasynan aıyryldy, sondaı-aq, JSO qyzmetin úılestirýge jaýapty oblystyń Ádilet departamenti bóliminiń basshysy qatań tártiptik jaýapkershilikke tartyldy.