Alımentten jaltarý: elimizde 300 myń bala qarjylyq qoldaýdan aıyrylǵan

<p>ASTANA. KAZINFORM - 2024 jyldyń mamyr aıynda Qazaqstanda alıment tóleýshilerdiń qaryzy 20 mıllıard teńgege jetti. Bul 300 myńnan astam bala zańdy túrde qajetti qarjylyq qoldaýdan aıyrylǵanyn bildiredi, dep habarlaıdy "Jańa adamdar" jastar qozǵalysynyń baspasóz qyzmeti.&nbsp;</p>

Málimetke saı, eldegi ajyrasqan er adamdardyń 43%-dan astamy balalaryna tólenetin alıment mólsherin azaıtý úshin tabystaryn tómen kórsetedi. Al 221 myń qazaqstandyq balalarynyń aldyndaǵy mindetterin múlde oryndamaıdy. Bul - qoǵamdy alańdatarlyq másele.

Foto: "Jańa adamdar" jastar qozǵalysy

Alıment tólemeý máselesine jaýap retinde Jańa adamdardyń «Naǵyz azamat» azamattyq naýqany belsendileri Balalardy qorǵaý kúnine arnalǵan kórme uıymdastyrdy. Ol jerde máseleniń aýqymyn kórsetetin naqty statıstıka usynyldy.

«Qazaqstanda júzdegen myń áke «naǵyz erkek» bolý degenniń ne ekenin múldem umytty. Olar ózderine er adam ıllıýzııasyn jasap, aınalasyn aldaıdy jáne maskýlındy beınesin maqtan tutady. Solaı bola tura, óz balalaryna ádeıi alıment tólemeıdi. Bul tek jalǵyzbasty analar men olardyń balalarynyń máselesi emes. Bul ár qazaqstandyqtyń máselesi. Óıtkeni, balalar - el bolashaǵy. Olardyń quqyqtary men múddelerin birge qorǵaıyq», - dedi Jańa adamdar qozǵalysynyń múshesi Іlııas Isaev.

Foto: "Jańa adamdar" jastar qozǵalysy