Alıment tólemeıtin, jumys istemeıtin, múlki joq boryshkerlerdiń máselesi qalaı sheshilmek

<p>ASTANA. KAZINFORM &ndash; Boryshker alıment tólemeıdi, jumys istemeıdi jáne múlki joq: bul jaǵdaıdy qalaı sheshýge bolatynyn OKQ alańynda ótken baspasóz brıfıngisinde ádilet vıtse-mınıstri Danıel Vaısov aıtty.&nbsp;&nbsp;</p>

Ádilet mınıstrligi, atap aıtqanda, óńirlerdegi alıment óndiretin arnaıy toptar osyndaı boryshkerlermen jumys isteıtinin aıtty. 

«Ákimdiktermen birlesip, bizde osyndaı boryshkerlerdi jumysqa ornalastyrý boıynsha jumys jolǵa qoıyldy», - dedi ádilet vıtse-mınıstri Danıel Vaısov OKQ alańynda ótken baspasóz konferentsııasynda.

Sondaı-aq, spıker shetelde jumys tapqan boryshkerlerge ýaqytsha shyǵýǵa tyıym salýdy alýǵa qatysty túsinikteme berdi.

«Boryshker aldymen Qazaqstanda óz qaryzdaryn ótesin, sodan keıin ketýine bolady. Alaıda, óndirip alýshynyń ótinishi boıynsha ýaqytsha shekteýdiń kúshin joıýǵa bolady. Eger nesıe berýshi boryshker shetelde jumys taýyp, qaryzdy jaba alady dep oılasa, ıaǵnı óndirip alýshy jaýapkershilikti óz moınyna alsa, onda biz qarastyryp, tyıymdy alyp tastaımyz», - dedi spıker.