Alıment tólemegen BQO turǵyny sottaldy

<p>ORAL. KAZINFORM &ndash; Batys Qazaqstan oblysy kámeletke tolmaǵandar isi jónindegi mamandandyrylǵan aýdanaralyq sotynyń úkimimen Báıterek aýdanynyń turǵyny kináli dep tanylyp, oǵan 1 jylǵa bas bostandyǵynan shekteý jazasy taǵaıyndaldy.&nbsp;</p>

Báıterek aýdany prokýratýrasynyń ustanymy eskerilip, QR Qylmystyq kodeksiniń 139-babymen (balalaryn kútip-baǵýǵa arnalǵan qarajatty tóleý jónindegi mindetterdi oryndamaý, eńbekke qabiletsiz ata-analaryn, eńbekke qabiletsiz jubaıyn (zaıybyn) kútip-baǵýǵa arnalǵan qarajatty tóleýden jaltarý) kózdelgen qylmys jasaǵany úshin sottalýshynyń kinási tolyq dáleldendi. 

BQO prokýratýrasynan málim etkenindeı, 2021 jyldan bastap boryshkerdiń alıment tóleý boıynsha balasyna 2 mln 787,838 myń teńge kóleminde bereshegi bar. Buryn ákimshilik jaýapkershilikke tartylǵanymen, birneshe jyl boıy óz mindetterin qasaqana oryndamaǵan. 

Úkim zańdy kúshine endi.

Eske sala keteıik, budan buryn 185 adamdy aldaǵan BQO turǵynynyń sottalǵanyn jazǵan bolatynbyz.