Alıment múldem tólenbegen qujattardyń sany 76 paıyzǵa tómendegen - B. Imashev
«Aǵymdaǵy jylǵy 30 mamyrda jeke sot oryndaýshylarynyń oryndaýynda alımentti óndirip alý týraly 35 myń 206 is júrgizý boldy. Eger jalpy aıtatyn bolsaq, qoldanǵan sharalar arqyly alıment múldem tólenbegen qujattardyń sany aıtarlyqtaı, atap aıtqanda 76 paıyzǵa tómendedi. ıAǵnı, 15 myń qujattan 3 jarym myńǵa deıin tómendedi», - dedi B. Imashev.
Sonymen qatar, mınıstr boryshkerlerdiń jumys ornynyń, kiristeriniń, óndirip alýǵa bolatyn múlkiniń bolmaýyna ne ony ádeıi jasyrýyna baılanysty alımentti óndirip alý problemasy saqtalyp otyr. Mundaı ister shamamen 1,5 paıyzdy nemese 220 myń istiń 3 myńyn quraıdy. Vedomstvo basshysynyń sózine qaraǵanda, bul kórsetiksh boıynsha Qazaqstan eýropalyq standarttarǵa jaqyndaǵan. «Alaıda, árbir atqarýshylyq is júrgizýdiń artynda balanyń aýyr taǵdyry turǵandyǵyn túsinemiz. Sondyqtan, biz ár balanyń múddeleri arqyly isterdiń osy sanatyn barynsha azaıtý úshin bárin jasaımyz.
Bul rette, memlekettik sot oryndaýshysy da, jeke sot oryndaýshysy da azamattyq tulǵa bolyp tabylady. Sot oryndaýshylary múlikti resmı kózderden izdestirýmen shekteledi, ıaǵnı jasyryn múlikti aıqyndaı almaıdy», - dedi B. Imashev.