Alık Shpekbaev: Jemqorlyqpen kúres basty 4 baǵytta júrgiziledi
«Adamdy adam etken – kitap, sol sebepti «Parasat joly» jobasy osy Ulttyq akademııalyq kitaphanada bastalyp jatyr. Bizdiń maqsatymyz sana-sezimdi ózgertý jáne sybaılas jemqorlyq deńgeıin tómendetý. Jemqorlyqty joıý – barshamyzdyń mindetimiz. Qazaqstan búgingi tańda jemqorlyqtan taza memleket qurýǵa kúsh salyp otyr.», - deıdi Sybaılas jemqorlyqqa qarsy is-qımyl agenttiginiń tóraǵasy Alık Shpekbaev.
Onyń aıtýynsha, sybaılas jemqorlyqpen kúres basty 4 baǵytta júrgiziledi. Birinshi baǵyt – sybaılas jemqorlyqtyń aldyn alý, boldyrmaý jáne joıýda qarastyrady.
«1998 jyly sybaılas jemqorlyqpen kúres týraly alǵashqy zań shyqqan. 17 jyldan keıin sybaılas jemqorlyqqa qarsy is-qımyl týraly ekinshi zań qabyldandy. Ol zańda sybaılas jemqorlyqtyń saldarymen kúres emes, aldyn alý máselesi qaralǵan. Qazirdiń ózinde bizdiń qyzmetimizde úlken ózgerister bolyp jatyr. Sybaılas jemqorlyqqa qarsy is-qımyl agenttiginiń 3 departamenti bar. Olar: Preventsııa, Parasattylyq jáne seriktestik departamenti. Ony sheteldegi myqty oqý oryndaryn bitirip kelgen jastar basqaryp otyr. Ekinshi baǵyt – sybaılas jemqorlyqqa qarsy mádenıetti qalyptastyrý. Bul baǵyt sybaılas jemqorlyqqa tózbeýshilikti nasıhattaıdy», - deıdi ol.
Úshinshi baǵyt – belsendi qoǵam, syndarly seriktestik.
«Osy jerde qoǵamdyq, azamattyq baqylaýdy kúsheıtý kerek. Memleket basshysy qoǵamdyq baqylaý týraly zańdy qarastyryp jatyr. Ol zań qabyldanýy kerek. Qazir qoǵam da, memleket te ózgerdi. Sońǵy bir jyldyń ishinde biz parlamentke sybaılas jemqorlyqqa qarsy úsh paket zańdardy ótkizdik. Sheteldik reıtıng agenttikteri bizdiń jumysymyzdy kórip, baǵalap otyr. Sońǵy 3-4 jylda olardyń bizdiń elge degen kózqarasy basqasha. Tórtinshi baǵyt – qylmystyq jaýapqa tartý. Sybaılas jemqorlyqpen jol bergenderdi ustap, qylmystyq jaýapqa tartyp jatyrmyz.