Alık Shpekbaev jemqorlardy qoǵamdyq jumysqa jegýdi usyndy

NUR-SULTAN. QazAqparat – Orta jáne ortasha aýyr jemqorlyq qylmys jasaǵandardy qoǵamdyq jumystarǵa tartýdy kúsheıtý qajet. Bul týraly QR Sybaılas jemqorlyqqa qarsy is-qımyl agenttiginiń tóraǵasy Alık Shpekbaev aıtty, dep habarlaıdy QazAqparat tilshisi.

«Túrme adamdy sırek tárbıeleıdi. EYDU elderinde jemqorlardy negizgi nemese qosymsha jaza retinde qoǵamdyq jumystarǵa tartýy kezdeısoq emes. Mysaly, Ulybrıtanııada sottalǵandarǵa «qoǵamnyń qaryzyn qaıtarý» degen jazýy bar keýdeshe kıgizip, olarǵa kóshe jumysyn istetkizedi. Pıshologııalyq turǵydan bul tásil birshama tıimdi ári qoǵam zııankes qylmyskerlerdi tanıtyn bolady», - dedi Alık Shpekbaev agenttiktiń alqa otyrysynda.

Osy oraıda agenttik basshy mundaı jaza elimizdiń qylmystyq zańnamasynda da kózdelgenimen sottar ony múldem taǵaıyndamaı otyrǵanyna basa nazar aýdartty.

«Orta jáne ortasha aýyr jemqorlyq qylmystary úshin qoǵamdyq jumystarǵa tartý qylmystyq zańnamamen rettelgenine qaramastan, Qazaqstanda sottar mundaı jazany múldem taǵaıyndamaıdy. Meniń oıymsha, eń aldymen kúshti aldyn alý áseri turǵysynan bul ınstıtýtty kúsheıtý qajet», - dedi Alık Shpekbaev.