Alık Shpekbaev: Shymkent - eń kreatıvti qala
Qala ákimi «Bızes sýpermarket» pen «E-Commerce Center» elektrondy kommertsııa jáne ákimdik ǵımaratynyń birinshi qabatynan ashylǵan «Ashyq ákimdik» ortalyqtarynyń jumysyn kórsetti. Ol atalmysh keńseler arqyly memlekettik qyzmet salasyn ýaqyt talabyna saı jetildirip, basqarý júıesiniń tıimdiligin arttyrý kózdelgenin atap ótti. Qyzmetterdi tsıfrlandyrý - sybaılas jemqorlyq kórinisterin aldyn alýdyń negizgi kómekshisi ekenin aıtqan agenttik tóraǵasy ákimdik bastamalaryn qoldap, atqarylyp jatqan jumystarǵa oń baǵasyn berdi. Sonymen qatar, qala ákiminiń orynbasary Danat Jýmın jumysshy topqa tájirıbe júzinde engizilgen, basqarý júıesi boıynsha atqarylǵan eki aılyq jumysyn baıandady.
Óz sózinde Alık Shpekbaev əkimdiktiń osynaý bastamalaryn aýqymdy jumystarǵa balap, muny sybaılas jemqorlyqtan taza qoǵamnyń eń basty qundylyqtaryna jatqyzdy. Sondaı-aq, ol Shymkenttiń eń kreatıvti qala ekenin atap ótti.
Agenttik tóraǵasy bastaǵan jumysshy top Shymkent qalasynyń aktıvimen de kezdesti. Qala basshysy Ǵabıdolla Ábdirahymovtyń tóraǵalyǵymen ótken jıynda sybaılas jemqorlyqqa qarsy is-qımyl boıynsha elimizde júzege asyrylyp jatqan saıasat pen azamattardyń qajettiligine baǵyttalǵan memlekettik apparattyń aldaǵy perspektıvasy týraly sóz qozǵaldy.
Jıyn barysynda Alık Shpekbaev úzdik kompanııalarda jumys tájirıbesi bar nemese jetekshi álemdik ýnıversıtetterdiń ǵylymı dárejesi bar joǵary bilikti azamattardy memlekettik qyzmetke qabyldaýdyń ońtaılandyrylǵan mehanızmi engizilip jatqanyn málim etti. Sondaı-aq, ol kadrlyq qamtamasyz etý máselelerinde jedeldikti arttyrý úshin ishki konkýrstar bir konkýrsqa biriktiriletinin jáne jańa jalaqy júıesin keńeıtý boıynsha jumystar jalǵasatynyn jetkizdi.