Alık Shpekbaev Dúnıejúzilik «Qazaq kúresi» federatsııasynyń prezıdenti bolyp saılandy

NUR-SULTAN. QazAqparat – Elordada ótken Dúnıejúzilik «Qazaq kúresi» federatsııasynyń halyqaralyq kongresinde Alık Shpekbaev atalǵan federatsııasynyń prezıdenti bolyp saılandy, dep habarlaıdy QazAqparat tilshisi.

Kongreske álemniń 27 elinen Qazaq kúresi sportynyń ókilder keldi. Jıyn barysynda federatsııa basshysyn saılaý máselesi qaralǵan bolatyn. 27 memleket ókiliniń bir aýyzdan bergen daýysymen federatsııasynyń prezıdenti bolyp Alık Shpekbaev saılandy.

Sonymen qatar, jıyn barysynda jańa saılanǵan prezıdent Alık Shpekbaev 27 elden kelgen federatsııa múshelerine usynys bildirdi. Ol boıynsha federatsııanyń «Qurmetti prezıdenti» retinde Doshan Joljaqsynovty, birinshi vıtse-prezıdenti retinde Bádelhan Kamalhanulyn saılaý usynyldy. Kópshilik bul usynysty da qoldady.

Sondaı-aq, federatsııanyń vıtse-prezıdenti bolyp Grekııadan kelgen Pekos Feodoros pen qytaılyq Soń Jıańlıń saılandy.

Foto: neonomad.kz