Alık Shpekbaev ashyq ákim kabınetiniń qandaı bolatynyn aıtty
«Keıbir ákimdik ǵımarattary Keńes zamanynda salynǵan, olardy qaıta ózgertý múmkin emes. Eger jańadan salynǵan ǵımarat bolsa, onyń ashyq ári qoljetimdi bolýy mindetti. Men Almatyda boldym, bári de qoljetimdi. Ákimdiktiń birinshi qabatynda qyzmetkerler ashyq kabınette otyr. Ýaqyt óte kele barlyǵy da soǵan kóshedi. Memlekettik organdardyń ashyqtyǵyn qamtamasyz etý jolyndaǵy jańarý jumystary jalǵasyn tabady. Qazirgi ýaqytta biraz jumys istelindi, búginde 1400 uıym «Open space» formatyna kóship, el ıgiligi úshin 900 front keńse ashyldy», - dedi A. Shpekbaev tilshilerdiń suraqtaryna jaýap bere turyp.
Buǵan deıin habarlaǵanymyzdaı, búgin elorda ákimi Altaı Kólginov pen QR Sybaılas jemqorlyqqa qarsy is-qımyl agenttiginiń tóraǵasy Alık Shpekbaev qaladaǵy birneshe áleýmettik nysandardyń jumysymen tanysty.