Alık Shpekbaev Almaty oblysy ákimdikterin baǵdarlamadan tys tekserip, eskertý jasady
Qarasaı jáne Іle aýdandarynyń aýyldyq okrýg ákimdikterin baǵdarlamadan tys, eskertýsiz aralaý barysynda Antıkor basshysy birqatar eskertý jasap, qyzmet kórsetýdiń servıstik modeline kóshý qajettiligi týraly usynystar berdi.
Kelesi nysan Qarasaı aýdany Bereke kentiniń Mádenıet úıi boldy, onda Antıkor men Mádenıet pen sport mınıstrliginiń «Parasat joly» jobasy óz jumysyn bastady. Jergilikti turǵyndar osy bastamany qoldaı otyryp, qoǵamda ulttyq mádenıet pen rýhanııat qundylyqtaryn ilgeriletý jumystaryna daıyn ekendikterin bildirdi.
Іle aýdanynyń Ótegen batyr kentinde Alık Shpekbaev Almaty oblysynyń azamattyq sektor, bıznes-qoǵamdastyq ókilderimen, memlekettik jáne jergilikti atqarýshy organdar basshylarymen kezdesti.
Іs-sharaǵa aqparattyq-aǵartý shtabynyń, arnaıy monıtorıng tobynyń ókilderi, oblystyń Fılıp Morrıs Qazaqstan, Mareven Fýd Tıan-Shan, Azııa Agro fýd jáne t.b. iri ónerkásiptik jáne azyq-túlik kompanııalarynyń basshylary qatysty.
Óz sózinde agenttik tóraǵasy sybaılas jemqorlyqqa qarsy saıasatty iske asyrýda azamattyq baqylaýdy kúsheıtýdiń jáne azamattar men memlekettik qyzmetshiler arasynda aqparattyq-túsindirý jumystaryn jandandyrýdyń mańyzdylyǵyn atap ótti.
«Sybaılas jemqorlyqqa qarsy tabysty is-qımylda negizgi ekpin aldyn alý sharalaryna qoıylady, onyń basshysy azamattyq baqylaý ınstıtýty jáne jaýapty, parasatty bıznes», - dep atap ótti.
Osy turǵyda, kásipkerlik qoǵamdastyqqa arnaǵan sózinde Alık Shpekbaev táýekelderdi basqarý men ishki baqylaý aıasyndaǵy tıimdi qural retinde komplaens-qyzmetter ınstıtýtyn zańnamalyq aıqyndaýǵa nazar aýdardy, sondaı-aq jeke kompanııalardyń basshylaryn osy júıeni óz kásiporyndaryna engizýge shaqyrdy.
Kezdesý sońynda agenttik tóraǵasyna Almaty oblysynyń jergilikti atqarýshy organdarynyń óńirde qabyldanyp jatqan sybaılas jemqorlyqqa qarsy sharalar boıynsha jumysy tanystyrylyp, azamattyq sektor ókilderi jemqorlyqtyń aldyn alýǵa arnalǵan aldaǵy josparlarymen bólisti.