Alık Shpekbaev Aqtóbedegi bıyl jemqorlyq deregi tirkelmegen aýdanda boldy
Hromtaý aýdanynda «Aǵtóbe-adaldyǵ alańy» jobalyq keńsesiniń, «Ashyq ákimdiktiń» jumystarymen tanysty. Bıyl paıdalanýǵa berilgen ákimshilik ǵımaratta sybaılas jemqorlyqty boldyrmaýǵa baǵytynda birneshe joba iske asyrylǵan.
Aýdan ákimi Naǵymjan Aldııarov halyqpen tyǵyz ári ashyq qarym - qatynas ornatý maqsatynda áleýmettik jelilerde tikeleı baılanysta turǵyndardyń saýaldaryna jaýap beretindigin jetkizdi. Ákimdikte óz-ózine qyzmet kórsetý buryshy ashylǵan. Sybaılas jemqorlyqqa qarsy is-qımyl ulttyq bıýrosynyń Aqtóbe oblysy boıynsha departamentiniń basshysy Mırlan Muhambetov bıyl Hromtaý aýdanynda sybaılas jemqorlyqqa qatysty birde-bir fakti tirkelmegenin aıtty. Agenttik tóraǵasy muny aýdan ekonomıkasynyń jaqsarýymen baılanystyrdy. «Aǵtóbe-adaldyǵ alańy jobalyǵ keńsesiniń maqsaty turmystyq sybaılastyqtyń túbin joıý. Menińshe barlyq aýyl, aýdandarda jumystar dál osylaı jasalý qajet»,- dedi Alık Shpekbaev. Aýdanda aýyz sý, kógildir otyn 95%, jol 85-90%, aýlalardy qalypqa keltirý 100% sheshimin tapqan. Aqtóbe oblysyndaǵy barlyq aýdan ákimdikterinde «Aǵtóbe-adaldyǵ alańy jobalyǵ keńsesi» jumys isteıdi. «Atalǵan jumystardy talapqa saı oryndaý maqsatynda júıeli jumystar jasalyp jatyr, ákimdikterde keńseler jumys istep tur, sondaı-aq, ınternet jelisin jaqsartýdy da qolǵa alýdamyz»,- dedi oblys ákimi.
QR Sybaılas jemqorlyqqa qarsy is-qımyl agenttiginiń tóraǵasy Alık Shpekbaev, oblys ákimi Ońdasyn Orazalın Hromtaý taý-ken tehnıkalyq joǵarǵy kolledjindegi «Sanaly urpaq», «Adaldyq alańy», «Adaldyq dúkeni» jumystaryn kórdi. Aqtóbe oblystyq bilim bassharmasynyń basshysy Lázzat Orazbaeva bilim salasyndaǵy sybaılastyqty boldyrmaý boıynsha atqarylǵan jumystarmen tanystyrdy. Oqýshylar men jastardyń boıynda senim atmosferasyn qalyptastyrýǵa arnalǵan «Adaldyq dúkeni» oblys boıynsha 35 kolledj ben 324 mektepte ashylǵan. Ustazdar arasynda «Men syılyq almaımyn» aktsııasy ótkizilip, tamyz keńesinde «Aǵtóbe - adaldyǵ alańy», bilim basqarmasy, aýdan ákimderimen úsh jaqty memorandýmǵa qol qoıǵan. Jumys saparynyń sońynda agenttik tóraǵasy «Batys Jer» kempınginiń jáne Nur-Aqtóbe shaǵyn aýdany «EXPO» ǵımaratyndaǵy Almaty aýdandyq ákimdiginiń servıstik qyzmetimen tanysty.