Alık Shpekbaev adal memqyzmetshilerdiń sanyn jarııalady
«Menińshe, memlekettik qyzmetshilerdiń 99 protsenti adal jumys isteıdi. Olar óz qyzmetine jaýapty, jumysyna adal. Al keıbir memlekettik qyzmetshiler zańsyz paıda taýyp, qylmysqa baryp jatady. Árıne, biz ondaı adamdardy zań boıynsha jaýapqa tartamyz. Biraq solardyń kesirinen barlyq memlekettik qyzmetshilerdiń bedeline nuqsan keledi, bárine kóleńke túsedi», - dedi A.Shpekbaev QR Prezıdenti janyndaǵy Adam quqyqtary boıynsha komıssııanyń keńeıtilgen otyrysynda.
Aıta keteıik, búgingi otyrysta QR Parlamenti Senatynyń depýtaty Birǵanym Áıtimova memlekettik qyzmetke jańadan keletin mamandardy jemqorlyqtan qorǵaý qajettigin jetkizdi. «Bizde memlekettik qyzmetshilerdi kóp jamandaıdy. Basqa elde ondaı joq sııaqty. Endi, jemqorlyqpen kúresip kele jatyrmyz ǵoı. Biraq 100 myń memlekettik qyzmetshi armııasynyń barlyǵy birdeı para almaıtyn shyǵar. Máselen, bir oblysta tutas bir ákimdiktiń qyzmetkerleri sógis alyp shyqqan. Menińshe, ondaı áreketterdiń bárin jan-jaqty zerdelep, sybaılas jemqorlyqqa kele me, joq pa, sony anyqtap alǵan jón. Óıtkeni jańadan kelgen qyzmetkerler kóp nárseni bilmeı jatady, qatelik jasaıdy jáne taǵysyn taǵy. Ony da eskerý kerek», - dep atap kórsetti B.Áıtimova.