Álıhan Smaıylov: Úkimettiń aldynda turǵan eń aýyr mindettiń biri – ınflıatsııany tómendetý

NUR-SULTAN. QazAqparat –QR Premer-Mınıstri Álıhan Smaıylov iri bıznes ókilderin taýar tasymalynyń logıstıkasyn qaıta qaraý týraly aıtty, dep habarlaıdy QazAqparat tilshisi.

«Іri kásipkerliktiń Qazaqstan ekonomıkasyndaǵy úlesi – 48%. Sondyqtan bul segmenttiń jaýapkershiligi de zor. Úkimet bıznestiń, onyń ishinde iri bıznestiń de damýyna qolaıly jaǵdaı jasaý úshin tıisti sharalardy qabyldaıdy.

Jahandy jaılaǵan daǵdarystan keıingi bizdiń aldymyzda turǵan eń mańyzdy máseleniń biri – makroekonomıkalyq turaqtylyqty qamtamasyz etý. Úkimet pen Ulttyq Banktiń birlesken saıasaty osy maqsatqa baǵyttalady», - dedi ol Prezıdenttiń iri bıznes ókilderimen kezdesýinde.

Onyń aıtýyna qaraǵanda, qazir Úkimettiń aldynda turǵan eń aýyr mindettiń biri – ınflıatsııa deńgeıin tómendetý.

«Birinshi kezekte, aýyl-sharýashylyq ónimderin óndirý, ishki naryqty azyq-túlikpen tolyqtyrý jáne azyq-túlik qaýipsizdigin qamtamasyz etý jolǵa qoıylyp jatyr.

Mezgilaralyq kezeńde ınflıatsııa qysymy men syrtqy faktorlardyń áserin tómendetý úshin tıisti logıstıka júıesin qurý óte mańyzdy. Іri kásipkerlerdi osy jumysqa qatysýǵa shaqyramyz.

Úkimet iri bıznes ókilderimen ózara birlesip jumys isteýge qashan da daıyn ekenin aıtqym keledi», - dedi Premer-Mınıstr.