Álıhan Smaıylov: Tórt jylda 1,5 myńnan astam aýdıtor sertıfıkat aldy
«2015 jyly «Memlekettik aýdıt jáne qarjylyq baqylaý týraly» negizgi Zańnyń qabyldanýy Qazaqstan Respýblıkasynda memlekettik aýdıt júıesin qurýǵa bastama boldy. Memlekettik aýdıt jáne qarjylyq baqylaý organdarynyń sertıfıkattalǵan qyzmetkerleri 2017 jyldan bastap memlekettik aýdıt jáne qarjylyq baqylaý organdary qabyldaǵan jańa standarttar boıynsha memlekettik aýdıtti tolyqqandy iske asyrýǵa kiristi. Depýtattyq korpýspen júrgizilgen jumys nátıjesinde 2018 jyly zańnamalyq baza jetildirildi jáne memlekettik aýdıttiń odan ári damýyna túrtki boldy. Túzetýler paketi sybaılas jemqorlyqqa qarsy mehanızmderdi kúsheıtýge, memlekettik aýdıtorlardyń kadrlyq potentsıalyn arttyrýǵa jáne elektrondyq aýdıtke kóshýge múmkindik berdi», - dep toqtaldy Á. Smaıylov Parlament Májilisindegi Úkimet saǵatynda.
Onyń sózine qaraǵanda, tórt jylda Ulttyq komıssııa 1,5 myńnan astam memlekettik aýdıtor sertıfıkattaldy. Barlyq memlekettik ári atqarýshy organdarda ishki aýdıttiń 54 qyzmeti quryldy. Atap aıtqanda, memlekettik aýdıt pen táýekelder boıynsha keńester otyrysy 79 ret ótkizildi.
«Sonymen birge, búginde qarjylyq eseptilik aýdıti shoǵyrlandyrylǵan qarjylyq eseptilikte burmalaýǵa jol bermeý jáne kemshilikterdi der kezinde joıýǵa baǵyttalǵan. Buǵan ótken jyly qomaqty somada jasalǵan eskertýler dálel bolyp otyr. Tekserýlerdi qashyqtyqtan jasaý ádisiniń engizilýi aýdıttiń quqyqtyq saýattylyǵyn kóterip, jemqorlyq táýekelderin tómendetti. Satyp alýlarda anyqtalǵan ereje buzýshylyqtardyń úlesi 19 paıyzdan 2 paıyzǵa deıin azaıdy», - dedi Úkimet basshysynyń birinshi orynbasary.