Álıhan Smaıylov Sındzo Abeniń otbasyna jáne Japonııa halqyna kóńil aıtty

NUR-SULTAN. QazAqparat - QR Premer-Mınıstri Álıhan Smaıylov Japonııa elshiligine baryp, kórnekti saıası qaıratker, burynǵy Premer-Mınıstr Sındzo Abeniń qaza bolýyna baılanysty osy eldiń halqyna kóńil aıtty.

Dıplomatııalyq mıssııa basshysy Djýný ıAmademen áńgimelesý barysynda Álıhan Smaıylov Qazaqstannyń Abe myrzany óz eliniń patrıoty jáne Qazaqstan-Japonııa qarym-qatynastarynyń damýyna eleýli úles qosqan saıasatker retinde biletinin atap ótti, dep habarlaıdy QazAqparat Úkimettiń baspasóz qyzmetine silteme jasap.

«Sındzo Abe Japonııanyń damýy úshin ǵana emes, halyqaralyq yntymaqtastyqty nyǵaıtý úshin de kóp eńbek etti. Osy qıyn sátte Qazaqstan Úkimetiniń jáne jeke ózimniń atymnan Abe myrzanyń otbasyna jáne búkil japon halqyna kóńil aıtamyn», — dedi Úkimet basshysy.

QR Premer-Mınıstri elshilikke barǵan kezde kóńil aıtý kitabyna jazba qaldyrdy.

Foto: primeminister.kz