Álıhan Smaıylov shetelde jumys isteıtin qazaqstandyqtardyń quqyǵyn qorǵaý boıynsha tapsyrma berdi

ASTANA. QazAqparat – Shetelde jumys istep júrgen otandastarymyzdyń quqyǵyn qorǵaýǵa erekshe nazar aýdarý kerek. Bul týraly QR Premer-Mınıstri Álıhan Smaıylov aıtty, dep habarlaıdy QazAqparat tilshisi.

«Memleket basshysynyń tapsyrmasy boıynsha aldaǵy 5 jylǵa arnalǵan kóshi-qon saıasatynyń tujyrymdamasy qabyldandy. Biz tujyrymdamanyń is-qımyl josparyn sapaly iske asyrýymyz kerek. Ásirese, shetelderde jumys istep júrgen Qazaqstan azamattarynyń quqyqtaryn qorǵaýǵa erekshe nazar aýdarý kerek», - dedi Úkimet basshysy búgin Eńbek jáne halyqty áleýmettik qorǵaý mınıstrliginiń keńeıtilgen alqa májilisinde.

Osy oraıda Premer-Mınıstr Birikken Arab Ámirlikterimen jáne Ońtústik Koreıamen qazaqstandyq jumyskerlerdiń quqyqtaryn qorǵaý jóninde kelisimge qol jetkizilmeı otyrǵanyna birneshe jyl bolǵandyǵyn basa aıtty.

«Osy jumysty aıaqtaý úshin Syrtqy ister mınıstrligimen birlese shuǵyl is-sharalardy qabyldaý kerek», - dedi Álıhan Smaıylov.