Álıhan Smaıylov Ornyqty damý maqsattary jónindegi úılestirý keńesiniń otyrysyn ótkizdi

ASTANA. QazAqparat - QR Premer-Mınıstri Álıhan Smaıylov Qazaqstandaǵy ortalyq memlekettik organdar basshylyǵy men dıplomatııalyq korpýs, BUU jáne BUUDB ókilderiniń qatysýymen Ornyqty damý maqsattary (ODM) jónindegi úılestirý keńesiniń 6-otyrysyn ótkizdi. Bul týraly QazAqparat Úkimettiń saıtyna silteme jasap habarlaıdy.

Otyrysqa qatysýshylar bıylǵy vedomstvoaralyq jumys toptary qyzmetiniń qorytyndysyn, Almaty qalasynda Ortalyq Azııa men Aýǵanstan úshin TDM boıynsha BUU óńirlik habyn ashý jónindegi Memleket basshysynyń tapsyrmasynyń oryndalý barysyn qarady, sondaı-aq ODM-dy iske asyrýdyń 2023 jylǵa arnalǵan is-sharalar josparyn maquldady.

Premer-Mınıstr óz sózinde Ornyqty damý maqsattarynyń qaǵıdattaryn engizý azamattardyń ómir súrý sapasyn arttyrýǵa jáne ekonomıkanyń barlyq salasynda úzdik halyqaralyq standarttardy qabyldaýǵa baǵyttalǵanyn atap ótti.

«Búgingi tańda kelesi jylǵa arnalǵan naqty mindetter belgilendi, olardy birtindep iske asyrý kerek», — dedi Álıhan Smaıylov.

Sheteldik áriptester respýblıkada júrgizilip jatqan reformalarǵa qoldaý bildirip, áleýmettik-ekonomıkalyq salanyń negizgi baǵyttaryn odan ári damytý jóninde usynystar aıtty.

Foto: primeminister.kz