Álıhan Smaıylov Qytaımen ónerkásiptik kooperatsııany damytýdy usyndy
Á. Smaıylov atap ótkendeı, QHR-men ónerkásiptik kooperatsııa úshin negizgi salalar mashına jasaý, farmatsevtıka, azyq-túlik jáne hımııa ónerkásibi, qurylys materıaldaryn óndirý, metallýrgııa ónerkásibi jáne basqalar.
«Bizdiń elderimiz arasyndaǵy mádenı-gýmanıtarlyq baılanystar da belsendi damyp keledi. Sonymen, Elbasy N. Nazarbaevtyń 2015 jylǵy QHR-na sapary aıasynda qol qoıylǵandyǵynyń arqasynda sońǵy úsh jylda Qazaqstan 236 myńnan astam qytaılyq týrıst aralady. QHR-da, óz kezeginde, 554 myń qazaqstandyq týrıst boldy.
Іskerlik baılanystardy damytý úshin barlyq qajetti jaǵdaılar jasaldy, qytaılyq bıznesmender úshin vızalyq rásimder jeńildetildi, turaqty áýe qatynasy oryndalýda», - dedi Álıhan Smaıylov.
Onyń aıtýynsha, yntymaqtastyqty odan ári damytý úshin Qytaımen ónerkásiptik kooperatsııany belsendi damytý qajet.
«Máselen, QR Úkimeti men QHR Úkimeti arasyndaǵy ındýstrııalandyrý jáne ınvestıtsııalar salasyndaǵy yntymaqtastyqty nyǵaıtý týraly negizdemelik kelisim sheńberinde jalpy somasy $27,3 mlrd quraıtyn 55 joba iske asyrylýda, onyń ishinde ótken 3 jylda 10 joba iske asyrylǵan.
Jaqyn arada Qazaqstan men Qytaı úkimetteriniń arasynda ındýstrııalandyrý jáne ınvestıtsııalar salasyndaǵy úkimetaralyq yntymaqtastyq josparyna qol qoıý josparlanyp otyr.
Elder arasyndaǵy taýar aınalymyn arttyrý maqsatynda Qazaqstan metallýrgııa, mashına jasaý, hımııa jáne tamaq ónerkásibi sııaqty salalarda otandyq taýarlardyń keń assortımentin usynýǵa daıyn», - dedi QR Qarjy mınıstri.
Premer-mınıstrdiń birinshi orynbasary-QR Qarjy mınıstri Á. Smaıylov sondaı-aq eki eldiń kólik ınfraqurylymyn keshendi damytpaı saýda qatynastaryn kezeń-kezeńmen damytý múmkin emestigin atap ótti.
Onyń aıtýynsha, «Jibek jolynyń ekonomıkalyq beldeýi», «Nurly jol» memlekettik baǵdarlamasymen birge 2018 jyly Qytaı-Eýropa-Qytaı baǵytynda tranzıttik konteınerlik tasymaldyń 55% ósýin qamtamasyz etti.
Ol 2010 jyldan bastap Qazaqstanda ındýstrıaldy-ınnovatsııalyq damýdyń memlekettik baǵdarlamasy iske asyrylyp jatqanyn eske sala otyryp, A. Smaıylov ındýstrıalandyrýdyń 9 jyly ishinde shamamen 20 mlrd dollar (7,9 trln. teńge) quraıtyn 1250 joba iske qosylǵanyn atap ótti.
«Bıznes úshin memlekettik qoldaý sharalary qarastyrylǵan - jeńildikti qarjylandyrý, uzaq merzimdi lızıng, kredıtter boıynsha paıyzdyq mólsherlemeni sýbsıdııalaý, ınnovatsııalyq granttar berý. Búgin Qazaqstanda 12 arnaıy ekonomıkalyq aımaq (AEA) pen 24 ındýstrııalyq aımaq jumys isteıdi. AEA qatysýshylaryna salyqtyq jeńildikter men basqa da preferentsııalar beriledi.
Otandyq eksporttaýshylar úshin qarjylyq (eksporttaýshynyń kredıtin saqtandyrý, eksportqa deıingi qarjylandyrý, eksporttyq saýdalyq qarjylandyrý, qaryzdardy saqtandyrý) jáne servıstik qoldaý sharalary (taldamalyq qoldaý, saýda-ekonomıkalyq mıssııalardy, ulttyq stendterdi, shetelde jarnamalyq-tanystyrý is-sharalaryn uıymdastyrý) kórsetiledi», - dedi Á. Smaıylov.
Onyń aıtýynsha, turaqty negizde ınvestıtsııalyq jáne bıznes klımatty jaqsartý boıynsha jumystar júrgizilýde.
Dúnıejúzilik banktiń «Dýıng bıznes» reıtıngisinde Qazaqstan 190 eldiń arasynda 28-orynda (Qytaı-46 orynda). Tutastaı alǵanda, Qazaqstan ekonomıkany jedel jańǵyrtýǵa, 4.0 ındýstrııanyń jańa tehnologııalary men elementterin engizýge baǵyt aldy.
Sondaı-aq «Tsıfrlyq Qazaqstan» memlekettik baǵdarlamasy iske asyrylýda.
Elimizde qazirdiń ózinde «Nazarbaev Ýnıversıteti» jáne «Innovatsııalyq tehnologııalar parki» sııaqty ınnovatsııalyq klasterler jumys isteıdi, Nur-sultan qalasynda IT-startaptardyń jańa halyqaralyq tehnoparki ashyldy.
Osyǵan baılanysty Á. Smaıylov QHR-dy ónerkásipti tsıfrlandyrý salasyndaǵy yntymaqtastyqty damytý múmkindigin qarastyrýdy usyndy.