Álıhan Smaıylov kóshi-qon máselesine qatysty mınıstrlikterge birqatar tapsyrma júktedi
«Jalpy bıylǵy birinshi jartyjyldyqta kóshi-qonnyń oń saldosy qalyptasty. Sonymen birge, myna máselelerge nazar aýdaramyn. Birinshiden, Ǵylym jáne joǵary bilim mınıstrligi jetekshi sheteldik ýnıversıtettermen birge akademııalyq utqyrlyqty keńeıtý jóninde pármendi sharalar qabyldaýy qajet. Sheteldik oqytýshylar men jas ǵalymdardy tartý baǵdarlamasy aıasynda is-sharalardy kúsheıtý kerek. Bul jumys turaqty negizde júrgizilýi tıis jáne Ǵylym mınıstrliginiń jeke baqylaýynda bolýy kerek», - dedi Á. Smaıylov.
Sonymen qatar Úkimet basshysy Tsıfrlyq damý mınıstrligine elimizge IT-mamandardy tartý jumystaryn kúsheıtýdiń tapsyrdy.
Premer-Mınıstr Eńbek mınıstrligi men Syrtqy ister mınıstrligine elimizde joǵary suranysy bar mamandardyń nemese shetelde tabysty bıznes-jobalary bar adamdardyń elimizge jeńildetilgen tártippen kirýin qamtamasyz etýdi tapsyrdy. ıAǵnı atalǵan bıznes-jobalardy elimizde júzege asyrýǵa múmindik jasaý kerek.
«Munymen qosa, Іshki ister mınıstrligi óńir ákimdikterimen birge zańsyz kóshi-qonmen kúresti kúsheıtýi qajet. Bul rette, basqa memlekettik organdarmen ózara is-qımyldy úılestirý kerek. Atap aıtqanda, Eńbek mınıstrligi Qazaqstan azamattarynyń sheteldegi quqyǵyn qorǵaýdy qamtamasyz etetin jumystarǵa erekshe mán berýi kerek», - dedi Álıhan Smaıylov.
Budan buryn habarlanǵandaı, bıylǵy birinshi toqsandaǵy esep boıynsha Qazaqstannyń 194 myńnan astam azamaty shetelde jumys istep júr.