Álıhan Smaıylov Qazaqstan úshin ǵylymnyń perspektıvaly salalaryn atady
«Sońǵy jyldary ǵylym týraly zańnamaǵa eleýli ózgerister engizildi. Ǵylymdy damytý tujyrymdamasy búkil ǵylymı qoǵamdastyqpen birge iske asyrylady. Sonymen birge, búginde qoǵam ǵylymı-tehnologııalyq saladan naqty ózgeristerdi, ǵylymı jańalyqtardyń naqty ekonomıkada qoldanylýyn kútip otyr.
Sondyqtan, ǵylymı zertteýlerdiń nátıjesin arttyrý, onyń el ekonomıkasynyń damýyna qosatyn úlesin ulǵaıtý úshin aýqymdy jumys qajet», - dedi úkimet basshysy.
Sondaı-aq, ol Ǵylymı jumystardyń nátıjelerin kommertsııalandyrýdyń tıimdiligin arttyrý úshin mınıstrlik pen ǵylymı uıymdarlyń, kásiporyndardyń úılesimdi jumys isteıtindeı mehanızmder qurý qajettigin atady.
«Eń perspektıvaly ǵylymı baǵyttardaǵy tájirıbelik-konstrýktorlyq jumystardyń úlesin arttyrý qajet.
Bulardyń qatarynda atom jáne sýtegi energetıkasy, tsıfrlyq tehnologııalar, jasandy ıntellekt, bıotehnologııa, bıoqaýipsizdik, neıroǵylym sııaqty salalardy atap kórsetýge bolady», - dedi Premer-Mınıstr.