Álıhan Smaıylov Elena Rybakınaǵa jarqyn jeńister tiledi

NUR-SULTAN. QazAqparat - Premer-Mınıstr Ýımbldon chempıonatynda jeńiske jetken Elena Rybakınany quttyqtady, dep habarlaıdy QazAqparat Úkimettiń Telegram-arnasyna silteme jasap.

«Qazaqstandyq tennısshi Elena Rybakınany «Ýımbldon» fınalyndaǵy aıryqsha jeńisimen quttyqtaımyn!

Ol sheber sportshy retinde tabandylyq tanytyp, erik-jigeriniń arqasynda jeńiske jetti.

Elenaǵa zor densaýlyq, amandyq pen jarqyn jeńister tileımin!» - dep jazdy Úkimet basshysy Álıhan Smaıylov.

Eske sala keteıik, buǵan deıin Prezıdent Elena Rybakınamen telefon arqyly sóılesip, halyqaralyq arenada elimizdiń abyroıyn asqaqtatqany úshin alǵys aıtqan bolatyn.