Álıhan Smaıylov ekonomıkany jańǵyrtý jónindegi memlekettik komıssııanyń otyrysyn ótkizdi
Úkimet baspasóz qyzmetiniń málimetinshe , otyrysta salyq salý normalary, onyń ishinde salyq salý maqsattary úshin «roıaltı» uǵymyn qoldaný, energııa óndirýshi uıymdardyń múlkine salyq salý obektisin aıqyndaý boıynsha, sondaı-aq QQS esepke jatqyzý ádisimen tólenetin taýarlardyń jańartylǵan tizbesin qoldaný merzimi qaralǵan.
Talqylaý qorytyndysy boıynsha Premer-Mınıstr alǵashqy eki máseleni barlyq múddeli taraptardyń pikirin jáne áleýmettik-ekonomıkalyq jaǵdaıǵa yqtımal áserin eskere otyryp, qosymsha pysyqtaýdy tapsyrdy.
Sondaı-aq otyrysta Qyzylorda oblysy Aral aýdany aýmaǵynda kaltsıılengen soda óndirý zaýytyn salý jobasy qaraldy.
Ony iske asyrý shamamen 140 mlrd teńge ınvestıtsııa tartýǵa, 700-den astam turaqty jumys ornyn ashýǵa jáne jylyna 300 myń tonnaǵa jýyq ónim óndirý esebinen ımportty almastyrýǵa múmkindik beredi.
Premer-Mınıstr zaýytqa qajetti ınfraqurylym qurylysyn qarjylandyrý múmkindigin qarastyrýdy, sondaı-aq jobany ınvestor tartý turǵysynan pysyqtaýdy jalǵastyrýdy tapsyrdy.
Sonymen qatar otyrysqa qatysýshylar Aqtaýda kópfýnktsıonaldy qonaq úı-týrıstik keshen salý máselelerin talqylady.
Bul 170 mlrd teńge ınvestıtsııa tartýǵa, 4000-ǵa jýyq tikeleı jáne janama jumys ornyn ashýǵa, sondaı-aq Mańǵystaý oblysyna týrıstik aǵyndy 850 myń adamǵa deıin ulǵaıtýǵa múmkindik beredi.
Úkimet basshysy jobany iske asyrýdy jedeldetýdi jáne qurylysy bastalǵan barlyq obektilerdi aıaqtaý úshin «QDB» AQ bıýdjettik nesıe bólý múmkindigin qarastyrýdy tapsyrdy.
Otyrysqa qatysýshylar memleket ıeliginen alý jáne jekeshelendirý máseleleri jóninde usynystar ázirleý boıynsha jumys tobyn qurý máselesin de qarastyrdy.
Foto: primeminister.kz