Álıhan Smaıylov EQDB vıtse-prezıdentimen kelissóz júrgizdi

NUR-SULTAN. QazAqparat - QR Premer-Mınıstri Álıhan Smaıylov Eýropa qaıta qurý jáne damý bankiniń bank operatsııalary jónindegi vıtse-prezıdenti Alan Pııýmen kezdesti, dep habarlıdy QazAqparat primeminister.kz-ke silteme jasap.

Kezdesý barysynda Qazaqstan men EQDB arasynda birqatar baǵyttaǵy yntymaqtastyqty damytý, onyń ishinde ınvestıtsııalar tartý jáne ekologııa máseleleri boıynsha birlesken jobalardy iske asyrý jaıy qaraldy. Atap aıtqanda, taraptar EQDB-nyń Qazaqstandaǵy 2021 jylǵy qyzmetiniń qorytyndylary men 2022 jylǵa arnalǵan aǵymdaǵy josparlaryn talqylady.

Qazaqstan Úkimeti men bıznesi ınfraqurylymdyq jobalar boıynsha, qarjy, mýnıtsıpaldyq, korporatıvtik sektorlar arqyly ShOB-ty qoldaý boıynsha EQDB-men belsendi yntymaqtastyq ornatqan. «Biz EQDB-men ózara is-qımyldyń strategııalyq sıpatyn joǵary baǵalaımyz. Bıyl Qazaqstan men EQDB yntymaqtastyqtyń 30 jyldyǵyn atap ótýde. Osy kezeńde biz ekonomıkanyń ártúrli salalarynda $10 mlrd astam somaǵa shamamen 300 jobany tabysty júzege asyrdyq», — dedi Á. Smaıylov.

Ózara yntymaqtastyq EQDB-nyń Qazaqstan úshin 2022-2026 jyldarǵa arnalǵan jańa Eldik áriptestik strategııasy aıasynda jalǵasatyn bolady. Qujat jeke kásipkerliktiń básekege qabilettiligin arttyrý, jasyl saıasatty jáne kómirtekti beıtaraptyqty qoldaý, sondaı-aq jeke sektordyń qatysýy arqyly ekonomıkalyq ıntegratsııaǵa jáne genderlik teńdikke járdemdesý sekildi máseleler boıynsha taraptardyń ózara is-qımylyn qamtıdy. «Búginde álemniń iri ekonomıkalarynyń dekarbonızatsııasynyń turaqty trendi baıqalady. Kómirtektik beıtaraptyq jáne kómirden bas tartý jónindegi maqsattary týraly málimdegen elderdiń sany jyl saıyn artyp keledi. Sondaı-aq Qazaqstan «jasyl» damýdyń álemdik trendterin belsendi túrde ustanady», — dedi QR Premer-Mınıstri.

Óz kezeginde Alan Pııý Qazaqstanda iske asyrylyp jatqan reformalardy joǵary baǵalap, kóptegen máseleler boıynsha ekijaqty yntymaqtastyqty keńeıtýge múddeliligin bildirdi.