Álıhan Smaıylov EEK 10 jyldyǵyna arnalǵan poshta markalaryna mór basý rásimine qatysty

ShOLPAN-ATA. QazAqparat - Úkimet basshysy Álıhan Smaıylov Eýrazııalyq ekonomıkalyq komıssııanyń (EEK) 10 jyldyǵyna arnalǵan estelik poshta markalaryna mór basý saltanatty rásimine qatysty.

Shara Eýrazııalyq úkimetaralyq keńestiń keńeıtilgen quramdaǵy otyrysy qarsańynda Sholpan-Ata qalasynda ótti. Rásim aıasynda Úkimet basshylary EEK-tiń 10 jyldyǵyna oraı Odaq elderiniń poshta qyzmetteri shyǵarǵan markalary bar konvertterge arnaıy shtempel men qol qoıdy.

Aıta ketsek, Eýrazııalyq ekonomıkalyq komıssııa – Eýrazııalyq ekonomıkalyq odaqtyń turaqty jumys isteıtin retteýshi organy, ol óz jumysyn 2012 jylǵy 2 aqpanda bastaǵan.

Foto: t.me/KZgovernment