Álıhan Smaıylov EAEO úkimet basshylaryna: Іlgerileý qadamdaryn iske asyrý kerek

NUR-SULTAN. QazAqparat – QR Premer-Mınıstri Álıhan Smaıylov EAEO elderi úkimet basshylaryna qarata aıtqan sózinde qoldanylatyn kedergilerdi ekonomıkalyq baǵalaý ádistemesin ázirleýdi usyndy, dep habarlaıdy QazAqparat tilshisi.

«Jyl ótken saıyn seriktesterdiń naryǵyna shyǵý shekteýligine baılanysty máselelerdiń eleýli bóligi sheshimin tappaı otyr. 10 jyldan astam ýaqyttan beri múshe memleketter naryqtaryna alkogoldik ónimniń teń qoljetimdigi talaptaryn qurý máselesi sheshilmeı keledi. Keıbir jaǵdaıda kedergilerdi joıý boıynsha jumystar formaldy sıpatqa ıe ekenin moıyndaý kerek», - dedi Á. Smaıylov Eýrazııalyq úkimetaralyq keńestiń keńeıtilgen otyrysynda.

Osy oraıda Úkimet basshysy EAEO-da barynsha ashyq naryqty qurý úshin bazalyq ilgerileý qadamdaryn iske asyrý kerek ekenin atap ótti. Bul turǵyda Komıssııaǵa qoldanylatyn kedergilerdi ekonomıkalyq baǵalaý ádistemesin ázirleý usynyldy. ıAǵnı kedergiler jaıynda tek aıtyp qana qoımaı, bızneske keltirilgen shyǵyndy baǵalaý mańyzdy.

Budan buryn habarlanǵandaı, elordada Eýrazııalyq úkimetaralyq keńestiń keńeıtilgen otyrysy ótti.