Álıhan Smaıylov EAEO-da kólik ınfraqurylymyn tsıfrlandyrýdy usyndy
«Birinshiden, bul kólik ınfraqurylymynyń 40-tan 100 paıyzǵa deıingi aıtarlyqtaı tozýy. Bul, árıne, joldardyń sapasyna, logıstıka tıimdiliginiń tómendeýine áser etedi, tasymaldar men taýarlar baǵasynyń qymbattaýyna alyp keledi. Ekinshiden, bul bıýrokratızatsııa deńgeıiniń joǵary bolýy, sondaı-aq zamanaýı tehnologııalardyń, tsıfrlandyrýdyń baıaý engizilýi»,-dedi Á. Smaıylov.
Onyń aıtýynsha, Qazaqstan Reseımen birge pılottyq formatta shekaralarda navıgatsııalyq plombalar engizdi. Endigi jospar - ony EAEO elderinde kópjaqty formatta engizý. Bul, olardyń arasyndaǵy tranzıtti ulǵaıtýǵa múmkindik beredi. Sonymen qatar, RF aýmaǵy arqyly sanktsııalyq taýarlardyń tranzıti máselesin sheshedi.
QR Premer-Mınıstriniń birinshi orynbasary - Qarjy mınıstri Álıhan Smaıylov EAEO ortaq logıstıkalyq dálizderin qurý boıynsha úılestirýdiń jetispeýshiligine áriptesteriniń nazaryn aýdaryp, Eýrazııalyq ekonomıkalyq komıssııaǵa EAEO kólik ınfraqurylymyn tsıfrlaý máselesin pysyqtaýdy usyndy.
Esterińizge sala keteıik, «Eýrazııalyq kontınenttiń tranzıttik áleýeti» halyqaralyq forýmy osy kúnderi Armenııa astanasy - Erevan qalasynda EEK Keńesi aıasynda ótýde. Forýmnyń basty taqyryby-transkontınentaldyq kólik baılanystaryn damytý.