Álıhan Smaıylov depozıtter boıynsha ótemaqy tóleý týraly Qaýlyǵa qol qoıdy
Qujatqa sáıkes, teńgedegi depozıtter boıynsha 10 paıyz ótemaqy (syılyqaqy) 2023 jylǵy 23 aqpannan bastap ótele bastaıdy. Qazaqstandyqtar óz ótinishin 10 aqpannan keshiktirmeı berýi tıis.
Sondaı-aq Qaýlyda qandaı sharttarǵa sáıkes keletin depozıtterge ótemaqy tóleý júzege asyrylatyny kórsetilgen.
Sońǵy málimetter boıynsha, bankter ótemaqy boıynsha 284 mlrd teńgege ótinim qabyldady, bul – tólenetin ótemaqynyń yqtımal somasynyń 85%. Ótemaqy tóleten eń joǵary soma – 20 mıllıon teńge.
Qaýlynyń tolyq mátinin usynamyz.
* **
Qazaqstan Respýblıkasy Úkimetiniń 2022 jylǵy 30 jeltoqsandaǵy № 1129 qaýlysy
«Jeke tulǵalardyń ulttyq valıýtada (teńgemen) ornalastyrylǵan depozıtteri boıynsha ótemaqy (syılyqaqy) tóleý qaǵıdalaryn bekitý týraly» Qazaqstan Respýblıkasy Úkimetiniń 2022 jylǵy 27 tamyzdaǵy № 614 qaýlysyna ózgerister engizý týraly
Qazaqstan Respýblıkasynyń Úkimeti QAÝLY ETEDІ:
1. «Jeke tulǵalardyń ulttyq valıýtada (teńgemen) ornalastyrylǵan depozıtteri boıynsha ótemaqy (syılyqaqy) tóleý qaǵıdalaryn bekitý týraly» Qazaqstan Respýblıkasy Úkimetiniń 2022 jylǵy 27 tamyzdaǵy
№ 614 qaýlysyna mynadaı ózgeris engizilsin:
kórsetilgen qaýlymen bekitilgen Jeke tulǵalardyń ulttyq valıýtada (teńgemen) ornalastyrylǵan depozıtteri boıynsha ótemaqy (syılyqaqy) tóleý qaǵıdalarynda:
2-tarmaqtyń 1) tarmaqshasy mynadaı redaktsııada jazylsyn:
«1) depozıtor (salymshy) – Qazaqstan Respýblıkasynyń rezıdenti jáne beırezıdenti bolyp tabylatyn jeke tulǵa, onyń ishinde dara kásipkerlik sýbektisi, jekeshe notarıýs, advokat, kásibı medıator;»;
3, 4 jáne 5-tarmaqtar mynadaı redaktsııada jazylsyn:
«3. Ótemaqy (syılyqaqy) tóleý óteletin depozıtter boıynsha júzege asyrylady.
Ótemaqy tóleý mynadaı depozıtter boıynsha júzege asyrylmaıdy: talap etilgenge deıingi salymdar, shartty salymdar jáne aǵymdaǵy banktik shottar. Depozıtorǵa (salymshyǵa) ótemaqy (syılyqaqy) tóleý árbir qatysýshy bankte 20000000 (jıyrma mıllıon) teńge sheginde 2022 jylǵy 23 aqpandaǵy operatsııalyq kúnniń sońyndaǵy jaǵdaı boıynsha qoldanysta bolǵan óteletin depozıttegi aqsha somasyna júzege asyrylady.
Depozıtorda (salymshyda) bir qatysýshy bankte bireýden artyq óteletin depozıt bolǵan kezde ótemaqy (syılyqaqy) tóleý osyndaı qatysýshy banktegi óteletin depozıtterde 20000000 (jıyrma mıllıon) teńge shegindegi jalpy aqsha somasyna júzege asyrylady.
Muragerge ótemaqy tólegen kezde jáne muragerdiń dál sol qatysýshy bankte salymy (salymdary) bolǵan kezde osyndaı qatysýshy bankte ótemaqy qaıtys bolǵan salymshyǵa jáne muragerge tıesili salym (salymdar) boıynsha bólek-bólek, biraq qaıtys bolǵan salymshynyń barlyq salymdary boıynsha jıyntyǵynda 20000000 (jıyrma mıllıon) teńgeden asyrmaı jáne osyndaı qatysýshy banktegi muragerge tıesili barlyq salymdar boıynsha jıyntyǵynda 20000000 (jıyrma mıllıon) teńgeden asyrmaı júrgiziledi.
4. Ótemaqy (syılyqaqy) tóleý osy Qaǵıdalardyń 10, 11, 12 jáne
13-tarmaqtarynda kózdelgen merzimder eskerile otyryp, osy Qaǵıdalardyń
3-tarmaǵynyń ekinshi bóliginde kórsetilgen kúnnen bastap 12 (on eki)
aı ótkennen keıin júzege asyrylady.
Osy Qaǵıdalardyń 3-tarmaǵynyń ekinshi bóliginde kórsetilgen kúnnen bastap 12 (on eki) aı ótkennen keıin depozıtor (salymshy) ótemaqysy (syılyqaqysy) joǵalmaıtyn óteletin depozıtti talap etýge quqyǵy bar.
5. Ótemaqy (syılyqaqy) tóleý osy Qaǵıdalardyń 4-tarmaǵynda kórsetilgen kezeń ishinde jıyntyǵynda mynadaı sharttarǵa sáıkes keletin depozıtorlardyń (salymshylardyń) óteletin depozıtteri boıynsha júzege asyrylady:
óteletin depozıttiń merzimi aıaqtalmaǵan ne keminde 2023 jylǵy
23 aqpandy qosa alǵanǵa deıingi merzimge bir nemese birneshe ret uzartylǵan;
óteletin depozıtti tolyq alyp qoıý júzege asyrylmaǵan, onyń ishinde banktik salym sharty merziminen buryn toqtatylmaǵan.
Eger óteletin depozıttiń merzimi ótip ketse jáne 2022 jylǵy 24 aqpannan bastap 2023 jylǵy 1 qańtar aralyǵyn qosa alǵandaǵy kezeńde uzartylmasa, salymshynyń kelisimimen osyndaı óteletin depozıtten aqshany óteletin jańa depozıtke(terge) aýdarýǵa jol beriledi, bul rette mundaı aýdarymnyń jınaq shotynan, onyń ishinde «Jeke tulǵalardyń talap etilgenge deıingi salymdary» shotynan ne 2022 jylǵy 23 aqpandaǵy operatsııalyq kúnniń sońynda qoldanysta bolǵan óteletin depozıttiń qoldanylý merziminiń ótýine baılanysty qatysýshy bank aqshany qaıtarǵan jaǵdaıda depozıtordyń (salymshynyń) aǵymdaǵy shotynan júzege asyrylýy shart.
Qaıta uıymdastyrý jáne boryshty aýdarý sheńberinde qatysýshy banktiń depozıtorlar aldyndaǵy mindettemelerdi berýi, sondaı-aq depozıt (salym) boıynsha quqyqtardyń, onyń ishinde muragerlerge (quqyq mırasqorlaryna) aýysýy depozıtti tolyq alyp qoıý/banktik salym shartyn merziminen buryn toqtatý retinde qaralmaıdy.»;
7 jáne 8-tarmaqtar mynadaı redaktsııada jazylsyn:
«7. Ótemaqyny (syılyqaqyny) tóleý Qaǵıdalardyń osy tarmaǵyna sáıkes 2023 jylǵy 10 aqpannan keshiktirmeı óz kelisimin ótinish arqyly rastaǵan depozıtorlarǵa (salymshylarǵa) júzege asyrylady.
Depozıtor (salymshy) qaıtys bolǵan jaǵdaıda qaıtys bolý týraly rastaıtyn qujattar 2023 jylǵy 10 aqpanǵa deıin usynylǵan kezde ótemaqy (syılyqaqy) tóleý úshin ótinish berý talap etilmeıdi.
Depozıtordyń (salymshynyń) kelisimi týraly ótinishti berý tártibi men tásilin qatysýshy bank osy Qaǵıdalarǵa sáıkes aıqyndaıdy.
Qatysýshy bankter depozıtorlarǵa (salymshylarǵa) ótemaqy (syılyqaqy) alý múmkindigi jáne Qaǵıdalardyń osy tarmaǵyna sáıkes kelisý týraly ótinish arqyly kelisim berý qajettigi týraly habarlaıdy.
Depozıtordyń (salymshynyń) kelisimi týraly ótinishte depozıtordyń (salymshynyń) tegi, aty, ákesiniń aty (bar bolsa), jeke sáıkestendirý nómiri, osy Qaǵıdalarda belgilengen tártippen jáne osy Qaǵıdalardy iske asyrý maqsatynda qajetti aqparat, onyń ishinde banktik jáne zańmen qorǵalatyn ózge de qupııany quraıtyn aqparat «PKQ» AQ-ǵa, Ornyqtylyq qory men Qorǵa usynylǵan kelisimi, sondaı-aq «Derbes derekter jáne olardy qorǵaý týraly» Qazaqstan Respýblıkasynyń Zańyna sáıkes ótemaqy (syılyqaqy) tóleý jáne osy Qaǵıdalardy iske asyrý maqsattary úshin «PKQ» AQ-nyń jáne Qordyń derbes derekterdi jınaýyna jáne óńdeýine kelisimi kórsetiledi.
Qatysýshy bankke osy tarmaqtyń birinshi bóliginde kózdelgen merzimde kelisimi týraly ótinish bermegen depozıtorlarǵa (salymshylarǵa) ótemaqy (syılyqaqy) tóleý júzege asyrylmaıdy.
Osy tarmaqtyń ekinshi bóliginde aıqyndalǵan jaǵdaıda muragerlerge ótemaqyny odan ári tóleý muranyń qabyldanǵanyn rastaıtyn qujattar usynylǵan jaǵdaıda júrgiziledi.
8. Ótemaqy (syılyqaqy):
óteletin depozıtten 2023 jylǵy 23 aqpannyń sońyna deıin aqsha ishinara alynbaǵan kezde – 2022 jylǵy 23 aqpandaǵy operatsııalyq kúnniń sońynda óteletin depozıtte bar, biraq 10 %-ǵa (on paıyzǵa) kóbeıtilgen,
20000000 (jıyrma mıllıon) teńgeden aspaıtyn soma retinde;
2022 jylǵy 23 aqpannan bastap 2023 jylǵy 23 aqpannyń sońyna deıingi kezeńde óteletin depozıt tolyqtyrylǵan, odan aqsha ishinara alynǵan kezde 2022 jylǵy 23 aqpannan bastap 2023 jylǵy 23 aqpannyń sońyna deıingi kezeń úshin operatsııalyq kúnniń sońynda tirkelgen óteletin depozıttiń eń tómengi qaldyǵynyń somasyna, biraq 10 %-ǵa (on paıyzǵa) kóbeıtilgen,
20000000 (jıyrma mıllıon) teńgeden aspaıtyn somasyna júzege asyrylady.
Osy Qaǵıdalardyń 5-tarmaǵynyń ekinshi bóligine sáıkes óteletin jańa depozıt (depozıtter) ashylǵan kezde ótemaqyny (syılyqaqyny) esepteýde óteletin depozıttiń merzimi ótken kúnnen bastap óteletin jańa depozıt jasalǵan kúnge deıingi kezeń úshin operatsııalyq kún ishinde tirkelgen eń tómengi qaldyq eskeriledi.
2022 jylǵy 23 aqpannan bastap 2023 jylǵy 23 aqpannyń sońyna deıingi kezeńde salymdar turǵyn úı qurylys jınaqtaryna biriktirilgen kezinde ótemaqyny (syılyqaqyny) esepteý 2022 jylǵy 23 aqpannan bastap
2023 jylǵy 23 aqpannyń sońyna deıingi kezeń úshin operatsııalyq kúnniń sońynda tirkelgen biriktirilgen salymdardyń eń az qaldyǵynyń somasyna, biraq salymshynyń turǵyn úı qurylys jınaq bankindegi barlyq salymdary boıynsha jıyntyǵynda 10 %-ǵa (on paıyzǵa) kóbeıtilgen 20000000 (jıyrma mıllıon) teńgeden aspaıtyn somaǵa júzege asyrylady.
Salymdar 2022 jylǵy 23 aqpannan bastap 2023 jylǵy 23 aqpannyń sońyna deıingi kezeńde turǵyn úı qurylys jınaqtaryna bólingen kezde ótemaqyny (syılyqaqyny) esepteý bólingen salymdardyń 2022 jylǵy
23 aqpannan bastap 2023 jylǵy 23 aqpannyń sońyna deıingi kezeń úshin operatsııalyq kúnniń sońynda tirkelgen eń az qaldyǵynyń somasyna,
biraq salymshynyń turǵyn úı qurylys jınaq bankindegi barlyq salymdary boıynsha jıyntyǵynda 10 %-ǵa (on paıyzǵa) kóbeıtilgen, 20000000 (jıyrma mıllıon) teńgeden aspaıtyn somaǵa júzege asyrylady.
2022 jylǵy 23 aqpannan bastap 2023 jylǵy 23 aqpannyń sońyna deıingi kezeńde turǵyn úı qurylys jınaqtaryna salym (salymdar) quqyqtary óteýsiz bógdege berilgen kezde ótemaqyny (syılyqaqyny) esepteý 23 aqpannan bastap 2023 jylǵy 23 aqpannyń sońyna deıingi kezeń úshin operatsııalyq kúnniń sońynda tirkelgen salymnyń (salymdardyń) eń tómengi qaldyǵynyń, biraq salymshynyń turǵyn úı qurylys jınaq bankindegi barlyq salymdary boıynsha 10 %-ǵa (on paıyzǵa) kóbeıtilgen, jıyntyǵynda 20000000 (jıyrma mıllıon) teńgeden aspaıtyn somasyna júzege asyrylady.
Bul rette salymshynyń turǵyn úı qurylys bankindegi barlyq salymdary boıynsha jıyntyǵyndaǵy somasy 2022 jylǵy 23 aqpandaǵy jaǵdaı boıynsha 20000000 (jıyrma mıllıon) teńgeden asatyn turǵyn úı qurylys jınaqtaryna salymdy (salymdardy) óteýsiz bógdege bergen jaǵdaıda kórsetilgen shekten asatyn salymdar somalary salymdy qabyldaǵan salymshydaǵy ótemaqy esebine engizilmeıdi.»;
15-tarmaq mynadaı redaktsııada jazylsyn:
«15. Qor qatysýshy bankterden ótemaqy somalaryn esepke jatqyzý týraly esepterdi alǵannan keıin 18 (on segiz) aı ishinde qatysýshy bankterdiń ótemaqy (syılyqaqy) somalaryn esepteýine osy Qaǵıdalardyń talaptaryna sáıkestigi turǵysynan jáne Ózara is-qımyl týraly kelisimde aıqyndalǵan tártippen iriktep tekserý (monıtorıng) júrgizedi.
Monıtorıng nátıjelerin Qor «PKQ» AQ-ǵa Ózara is-qımyl týraly kelisimde kózdelgen tártippen jáne merzimderde usynady.».
2. Osy qaýly alǵashqy resmı jarııalanǵan kúninen keıin kúntizbelik
on kún ótken soń qoldanysqa engiziledi.
Qazaqstan Respýblıkasynyń
Premer-Mınıstri Á. Smaıylov