Álıhan Smaıylov «Báıterek» holdıngi dırektorlar keńesiniń otyrysyn ótkizdi
20:25, 24 Qarasha 2022
ASTANA. QazAqparat - QR Premer-Mınıstri Álıhan Smaıylovtyń tóraǵalyǵymen ótken «Báıterek» UBH» AQ dırektorlar keńesiniń otyrysynda holdıngtiń 2022 jylǵy 9 aıdaǵy qyzmetiniń máseleleri qaraldy, dep habarlaıdy QazAqparat.
Dırektorlar keńesi aǵymdaǵy jyldyń ІІІ toqsany boıynsha táýekelder jónindegi esepti jáne ІІІ toqsany boıynsha ishki aýdıt qorytyndylaryn tyńdady.
Sondaı-aq 2023 jylǵa arnalǵan damý jospary men jyldyq bıýdjetti jáne basqa da birqatar máselelerdi talqylady.
Sonymen qatar, otyrysta «Báıterek» UBH» AQ-nyń 2020-2022 jyldary aqsha qarajatyn paıdalanýy týraly esep, holdıng qarajatynyń ári qaraıǵy qozǵalysy týraly boljam usynyldy, sondaı-aq strategııalyq josparlaý komıtetiniń múshesi saılandy.