Álıhan Smaıylov bastaǵan Úkimet apparaty búgingi senbilikte júzden asa tal ekti
13:11, 29 Sáýir 2023
ASTANA. QazAqparat - Álıhan Smaıylov Úkimet apparatynyń qyzmetkerlerimen birge «Jasyl Astana» jalpyqalalyq senbiligine qatysty, dep habarlaıdy QazAqparat Úkimet baspasóz qyzmetine silteme jasap.
Uly Dala dańǵylynyń boıyna jaǵalaı jasyl jelek, onyń ishinde qaraǵaı, balqaraǵaı, qaıyń, qaraqat sııaqty 120-ǵa jýyq kóshet egildi.
Sondaı-aq búgin elordada memlekettik mekemeler men jeke kásiporyndar ujymdary jáne qala turǵyndary irgeles aýmaqtar men sý jaǵalaýyn tazalap, aǵash ekti.
Aıta keteıik, Astanada 6 mamyrǵa deıin dástúrli ekologııalyq shara aıasynda senbilikter men basqa da «jasyl» aktsııalar legi jalǵasady.