Álıhan Smaıylov balalarynyń qandaı mektepte oqıtynyn aıtty
Májiliste tilshiler Úkimet basshysynan «eldegi bilim jáne densaýlyq saqtaý salalaryna senesiz be?» dep surady.
«Árıne, eldegi bilimge de, densaýlyq saqtaý salasyna da senim artamyz. Jeke ózim jáne otbasym osynda, Qazaqstanda emdelemiz. Men Almatyda ál-Farabı atyndaǵy QazUÝ-da bilim aldym. Balalarym qazir Astanada memlekettik mektepte oqyp jatyr», - dedi Úkimet basshysy tilshilerge bergen suhbatynda.
Buǵan deıin QR Ǵylym jáne joǵary bilim mınıstri Saıasat Nurbektiń óz balalaryn Kıprdegi mektepte oqytatyny qoǵamdyq talqyǵa túsken edi.
14 maýsymda Ǵylym mınıstri balalaryn nege shetelde oqytqanyn túsindirip, 26 maýsym kúni otbasyn elge ákeletinin aıtqan.
Alaıda qyrkúıek aıynda S. Nurbek balalarynyń tańdaýyna qurmetpen qaraıtynyn, olardyń Kıprde bilim alýdy jalǵastyratynyn jetkizdi.
Foto: primeminister.kz