Álıhan Smaıylov balalarǵa Úkimettiń qyzmeti týraly aıtyp berdi

NUR-SULTAN. QazAqparat – QR Premer-Mınıstriniń birinshi orynbasary- Qarjy mınıstri Álıhan Smaıylov bilim kúnine oraı Nur-Sultan qalasyndaǵy №22 mektep-gımnazııanyń oqýshylaryna azamattyq jáne patrıotızm taqyrybynda sabaq ótkizdi, dep habarlaıdy QazAqparat.

Á.Smaıylov balalardy jańa oqý jylynyń bastalýymen quttyqtap, ómirdegi eń qyzyqty kezeń, baǵa jetpes bilim men daǵdylardy ıgerý ýaqyty, sondaı-aq naǵyz dostardy keziktiretin shaq-mekteptegi kezeń ekenin atap ótti.

Ol sabaq barysynda Úkimettiń qyzmeti týraly jáne Qarjy mınıstrligine júktelgen mańyzdy máseleler týraly aıtty. «Qazirgi ýaqytta sáttilikke jetý úshin únemi úırenip, ózindi-óziń jetildirip otyrýyń tıis. Biz oılaýdy jáne sheshim qabyldaýdy, ıntellektýaldy jáne rýhanı baı tulǵa bolýdy úırenýimiz qajet. Al óz eliniń patrıoty bolý úshin tarıhty oqyp, ata-babalaryńyzben maqtana bilýińiz kerek. Olarǵa laıyqty bolýǵa umtylý mańyzdy», - dedi Á.Smaıylov oqýshylarmen áńgime barysynda.

Balalar óz kezeginde qonaqqa qyzyqtyrǵan suraqtaryn qoıdy.

Kezdesý sońynda Á.Smaıylov oqýshylarǵa oqýda sáttilik, bilimge degen qushtarlyq pen maqsatqa jetýde tabandylyq tiledi.