Álıhan Smaıylov Bakýdegi Geıdar Álıev ortalyǵyna bardy
19:41, 22 Maýsym 2023
ASTANA. QazAqparat - Álıhan Smaıylov Bakýdegi Geıdar Álıev ortalyǵynda boldy. Bul Úkimet basshysynyń Ázerbaıjanǵa resmı saparyndaǵy qorytyndy shara boldy, dep habarlaıdy QazAqparat.
Mádenı ortalyq qazirgi Baký qalasy sımvoldarynyń biri bolyp sanalady, onyń aýdany 57 myń sharshy metrden asady. Ǵımarat jobasynda túzý syzyqtar paıdalanylmaǵan, onyń pishini týlaǵan teńiz tolqyny tárizdes salynǵan.
Ázerbaıjan halqynyń Jalpyulttyq kóshbasshysyna arnalǵan mýzeıde Geıdar Álıevtiń ómir joly foto jáne beınematerıaldar arqyly baıandalǵan. Mýzeı bólimderiniń biri – mýltımedııalyq zalda onyń álem elderi kóshbasshylarmen kezdesýleri kórsetilgen.
Ortalyqtyń mýzeıden basqa da kórme zaldarynda respýblıkanyń biregeı eksponattary, tarıhı ǵımarattardyń maketteri, kórikti jerlerdiń sýretteri, tabıǵı jáne sáýlet eskertkishteri jáne taǵy basqa jádigerler qoıylǵan.