Álıhan Smaıylov Bakýde Geıdar Álıevtiń beıitine gúl shoqtaryn qoıdy

ASTANA. QazAqparat - QR Premer-Mınıstri Álıhan Smaıylov Baký qalasynda Ázerbaıjan halqynyń jalpyulttyq kóshbasshysy Geıdar Álıevtiń beıitine gúl shoqtaryn qoıdy, dep habarlaıdy QazAqparat Úkimettiń resmı saıtyna silteme jasap.

Eske sala keteıik, Úkimet basshysy resmı saparmen Baký qalasynda júr.

Sondaı-aq Álıhan Smaıylov Geıdar Álıevtiń zaıyby Zarıfa Álıevanyń beıitine de gúl shoqtaryn qoıdy.

Qurmetti adamdar jerlengen alleıa Baký qalasynyń taýly bóliginde ornalasqan. Munda Ázerbaıjan eliniń kóptegen kórnekti ǵylym jáne mádenıet qaıratkeri, saıasatkerleri, qoǵam qaıratkerleri jerlengen.

Osyǵan deıin Qazaqstan men Ázerbaıjan ózara saýda kólemin $1 mlrd-qa deıin jetkizýdi josparlap otyrǵanyn jazdyq.