Álıhan Smaıylov BAÁ-niń iri basylymdarynyń birine suhbat berdi

ASTANA. QazAqparat - Birikken Arab Ámirlikterine alǵashqy resmı sapary aıasynda QR Premer-Mınıstri Álıhan Smaıylovtyń «Ál-Ittıhad» gazetinde suhbaty jaryq kórdi, dep habarlaıdy QazAqparat QR Úkimetiniń baspasóz qyzmetine silteme jasap.

QR Premer-Mınıstri eki el arasyndaǵy yntymaqtastyqty nyǵaıtýdyń negizgi baǵyttaryna toqtalyp, saýda-ekonomıkalyq jáne ınvestıtsııalyq ózara is-qımyldyń ósý qarqyny týraly aıtty.

«Ekonomıkanyń túrli sektorlarynda ózara tıimdi múmkindikterdiń baryn kórip otyrmyz jáne birlesken jobalardy júzege asyrýǵa eki eldiń isker toptaryn yntalandyrýǵa nıettimiz», – dedi ol.

Sonymen qatar Álıhan Smaıylov Qazaqstannyń ultaralyq kelisimdi nyǵaıtý jáne COVID-19 pandemııasynyń ekonomıkalyq saldarymen kúres jónindegi qadamdary týraly aıtyp berdi.

Anyqtama: «Ál-Ittıhad» - BAÁ-de arab tilinde kún saıyn shyǵatyn basylym. Taralymy 100 000 danadan asady. Alǵashqy sany 1969 jyly shyqqan, al 1972 jyldan bastap kún saıyn jaryq kóredi.

Foto: primeminister.kz