Álıhan Smaıylov áıelderdiń zeınet jasyn tómendetý úshin tıisti ózgerister engizýdi tapsyrdy
«Eńbek mınıstrligi Qarjy jáne Ulttyq ekonomıka mınıstrlikterimen birlesip, eń tómengi jalaqy mólsherin kóterý máselesin pysyqtaýy qajet. Áleýmettik qamsyzdandyrý júıesine ózgerister engizý, bala kútimi boıynsha jáne jumyssyz qalǵanda beriletin áleýmettik tólemderdi ulǵaıtý, Otbasynyń tsıfrlyq kartasy men Áleýmettik ámııandy engizý boıynsha jumysty jalǵastyrý kerek», - dedi Álıhan Smaıylov.
Premer-Mınıstr qandastardy qonystandyrý saıasatyn túbegeıli reformalaý jáne ishki mıgratsııany retteý úshin barlyq qajetti sharalardy qabyldaý kerektigin basa aıtty.
«Jıyntyq zeınetaqynyń mólsherin ulǵaıtý, áıelderdiń zeınet jasyn 61 jasqa deıin tómendetý jáne Biryńǵaı jınaqtaýshy zeınetaqy qorynyń ınvestıtsııalyq tartymdylyǵyn qamtamasyz etý úshin zeınetaqy zańnamasyna tıisti ózgerister engizilsin», - dedi Úkimet basshysy.