Álıhan Smaıylov: Almatynyń jańa áýejaıy qurylysyn der ýaqytynda aıaqtaý qajet
«Almatyda jańa halyqaralyq áýejaı termınalyq salý boıynsha iri ınfraqurylymdyq joba júzege asyrylyp jatyr. Mınıstrlik ákimdikpen jáne ınvestormen birge jolaýshylar aǵynyn arttyrý, sonymen qatar áýe tasymalynyń baǵdar jelisin keńeıtý úshin jobany der ýaqytynda júzege asyrý is-sharalaryn qabyldaýy qajet», - dedi Álıhan Smaıylov Indýstrııa jáne ınfraqurylymdyq damý mınıstrliginiń keńeıtilgen alqa otyrysynda.
Sonymen qatar Premer-Mınıstr Astana qalasy áýejaıynyń ushý-qoný jolaǵyn jańartý máselesine de nazar aýdartty.
«Búgin tanystyrylym barysynda kórdik. Qajetti qujattardy daıyndaýǵa qatysty jumystardy bastaý kerek», - dedi Úkimet basshysy.
Eske salsaq, Prezıdent 2022 jylǵy 1 maýsymda Almaty áýejaıynda jańa halyqaralyq termınaldyń qurylysyn bastaýǵa ruqsat berdi.