Álıhan Smaıylov 2 oblys ákiminiń orynbasaryna qatań sógis berýdi usyndy
«Birinshi toqsandyqta áleýmettik mańyzy bar azyq-túlik taýarlarynyń ósýiniń eń joǵarǵy deńgeıi Atyraý jáne Jambyl oblystarynda oryn aldy. Osyǵan baılanysty, osy jumysqa jaýapty Atyraý oblysy ákiminiń orynbasary Nurlybaev Qaırat Esqabylulyna jáne Jambyl oblysynyń ákiminiń orynbasary Nyǵmashev Berik Bolatulyna qatań sógis berýdi tıisti oblys ákimderine tapsyrýdy suraımyn», - dedi Álıhan Smaıylov Premer-Mınıstr Asqar Mamınge.
Sonymen qatar ol 2021 jylydń 1-toqsanynyń qorytyndysy boıynsha memlekettik bıýdjettiń kirisiteriniń shamaly ósý qarqyny bar ekendigin aıtty.
«Buǵan negizinen jergilikti bıýdjet kiristeriniń ósýi áser etedi. Eseptik derekter jergilikti bıýdjetterdiń kassalyq qaldyqtary aıdan aıǵa ulǵaıyp kele jatqanyn kórsetedi. Osyǵan baılanysty, jergilikti atqarýshy organdarǵa problemalyq máselelerdi birinshiden, jergilikti bıýdjet esebinen jabý qajet dep sanaımyn. Bıýdjet qarajatyn ıgerý boıynsha ahýaldyń jaqsarǵany ortalyq memlekettik organdardy da, jergilikti memlekettik organdardy da bosańsytpaýy tıis. Memlekettik satyp alý rásimderin ýaqtyly ótkizý jáne ekonomıkany qoldaý boıynsha daǵdarysqa qarsy sharalardy iske asyrý ózekti bolyp tabylady. Jekeshelendirýdiń 2021-2025 jyldarǵa arnalǵan keshendi jospary boıynsha sharalar ýaqtyly qabyldanýy qajet», - dedi birinshi vıtse-premer.