Álıhan Smaıylov jumys kúshi tapshy salalardy atady

<p>Úkimet otyrysynda Premer-Mınıstr Álıhan Smaıylov eldegi jumys kúshi tapshy salalardy atady, dep habarlaıdy <a href="https://kaz.inform.kz/" target="_blank" rel="noopener">Kazinform</a> agenttigi.</p>

«Aldymyzda bıyl 1 mıllıonǵa jýyq adamdy jumysqa ornalastyrý mindeti tur. Qazirgi tańda 734 myń adam jumyspen qamtyldy. Olardyń jartysy – jastar. Qalǵan 2,5 aıda josparly kórsetkishterdiń bári oryndalýy tıis. Ár óńirdiń óziniń jumysqa ornalastyrý jospary bar. Onda árbir óńirdegi eńbek naryǵynyń erekshelikteri eskerilgen», - dedi Úkimet basshysy.

Aıtýynsha, óńirlerdiń halyqty jumyspen qamtý baǵytyndaǵy jospary memlekettik qoldaý sharalarymen tolyq qamtylǵan.

«Ákimdikter jastardy eńbekke tartý isine erekshe nazar aýdarý kerek. Mysaly, búgingi kúni energetıka, munaı-gaz ındýstrııasy, aýyl sharýashylyǵy, tamaq ónerkásibi, kólik jáne logıstıka, IT-salasynyń mamandary qajet. Ǵylym jáne Oqý-aǵartý mınıstrlikteri memlekettik bilim berý granttarynyń tizbesin qalyptastyrý kezinde osyny eskerýi tıis», - dedi Álıhan Smaıylov.