Álıhan Smaıylov NZM, NÝ jáne Nazarbaev qorynyń Qamqorshylyq keńesin basqarady

<p>QR Premer-Mınıstri Álıhan Smaıylov Nazarbaev Zııatkerlik mektepteri, Nazarbaev ýnıversıteti jáne Nazarbaev qorynyń joǵary qamqorshylyq keńesiniń tóraǵasy atandy. Bul jóninde "Nazarbaev Zııatkerlik mektepteri" derbes bilim berý uıymynyń saıty málimdedi, dep habarlaıdy <a href="https://www.nis.edu.kz/kz/vysshij-popechitelskij" target="_blank" rel="noopener">QazAqparat.</a></p>

Buǵan deıin atalǵan laýazym burynǵy prezıdent Nursultan Nazarbaevta bolǵan edi.

Jazda «Nazarbaev Ýnıversıteti», «Nazarbaev Zııatkerlik mektepteri» jáne «Nazarbaev Qory» mártebesi týraly» QR Zańyna Memleket basshysynyń derbes bilim berý uıymdarynyń Joǵary qamqorshylyq keńesin qurý jónindegi ókilettikterin aıqyndaý boıynsha túzetýler engen edi. Onda joǵarǵy qamqorshylyq keńesiniń tóraǵasy respýblıkanyń tuńǵysh prezıdentiniń ornyna qazirgi prezıdent nemese ol taǵaıyndaıtyn tulǵa bolatyny jazylǵan.

Sonymen birge, Qamqorshylyq keńes quramyna QR Premer-Mınıstrdiń orynbasary – Qarjy mınıstri Erulan Jamaýbaev, Premer-Mınıstrdiń áleýmettik sala suraqtary boıynsha orynbasary tamara Dúısenova, QR Prezıdentiniń ekonomıkalyq máseleler jónindegi kómekshisi Áset Erǵalıev, QR lym jáne joǵary bilim mınıstri Saıasat Nurbek, «Nazarbaev Ýnıversıteti» DBBU Prezıdentiniń mindetin atqarýshy Adesıda Ilesanmı kirgen.