Álıhan Smaıylov mınıstrlikterge jol boıyndaǵy ólim-jitimdi azaıtýdy tapsyrdy

<p>Premer-Mınıstr Álıhan Smaıylov elimizde jol qaýipsizdigin qamtý máselelerine toqtalyp, mınıstrlikterge birneshe mindet júktedi, dep habarlaıdy <a href="https://kaz.inform.kz/" target="_blank" rel="noopener">QazAqparat </a>tilshisi.</p>

«Jol qaýipsizdigin arttyrý, jol apattary men ólim-jitim deńgeıin azaıtý jónindegi júıeli sharalardy ázirleý bizdiń basty mindet. Jol boıyndaǵy ólim-jitimdi azaıtý kerek. Osyǵan baılanysty mynadaı tapsyrmalar beremin. Birinshiden, Іshki ister mınıstrligi múddeli memlekettik organdarmen jáne ákimdiktermen birlesip, árbir óńir bólinisinde jol apattaryna jan-jaqty taldaý júrgizý qajet», - dedi Álıhan Smaıylov Úkimet otyrysynda.

Úkimet basshysy júktegen kelesi tapsyrma taldaý negizinde jáne jergilikti jaǵdaılardy eskere otyryp, jol apattary jıi bolatyn ýchaskelerde qadaǵalaýdy kúsheıtý jáne qajetti sharalar qabyldaý qajet.

«Sondaı-aq, kólik júrgizýshilerdiń óz betinshe úırený máselesin pysyqtaý qajet. Bul qadam tıisti nátıje bergen joq. Tsıfrlandyrý mınıstrligimen birlesip, júrgizýshi kýáligin alýdy qatańdatý kerek. Ekinshiden, ótken aptada biz qoǵamdyq qaýipsizdikti qamtamasyz etýdiń 2028-shi jylǵa deıingi tujyrymdamasyn qarastyrdyq, onda jol qaýipsizdiginiń tutas blogy kózdelgen», - deıdi ol.

Sondaı-aq, Álıhan Smaıylov jańa tujyrymdamanyń oryndalý barysy turaqty baqylaýda bolýy tıis ekendigin eskertti.