Álıhan Smaıylov kvazımemlekettik sektordyń jaýapkershiligine qatysty usynys aıtty

<p>ASTANA. KAZINFORM &ndash; Kvazımemlekettik sektor qarjyny baqylaý shottarynda jyldar boıy jınaqtaý tájirıbesin toqtatýy tıis. Bul týraly Senattyń jalpy otyrysynda 2023 jylǵy respýblıkalyq bıýdjettiń atqyrylýyn talqylaý kezinde Joǵary aýdıtorlyq palata tóraǵasy Álıhan Smaıylov málim etti.</p>

«Kvazımemlekettik sektor sýbektileri 2023 jyly respýblıkalyq bıýdjetten 1,2 trln teńgege jýyq qarjy aldy. Bul rette, olardyń paıdalanbaǵan qarajaty jyl qorytyndysy boıynsha ótken kezeńmen salystyrǵanda 2,5 eseden astam ósti. Osyǵan qosa, Joǵary aýdıtorlyq palata taǵy 383 mlrd teńgeni anyqtady. Bul – kvazımemlekettik sektor sýbektilerine bólinip, shottarda ornalastyrylyp, paıdalanylmaǵan qarajat», - dedi Á. Smaıylov.

Onyń paıymynsha, kvazımemlekettik sektordyń bıýdjetti josparlaý jáne ony oryndaý kezinde qarajatty ıgermegeni jáne tómen nátıjesi úshin memlekettik organdarmen teń dárejede Parlament alańynda jaýap beretin ýaqyty keldi.

«Qarajatty baqylaý shottarynda jyldar boıy jınaqtaý tájirıbesin toqtatý qajet. Aqsha ekonomıkaǵa jáne qazaqstandyqtardyń ıgiligi úshin paıdalanylýy kerek», - dedi Joǵary aýdıtorlyq palata tóraǵasy.