Álıhan Smaıylov kommýnaldyq gıdrotehnıkalyq qurylystardy jan-jaqty tekserýdi tapsyrdy

<p>ASTANA. KAZINORM &ndash; Búgin Úkimet otyrysynda Premer-Mınıstr Álıhan Smaıylov Ónerkásip mınıstrligine otandyq sý únemdeý jabdyqtary óndirisin uıymdastyrýǵa qatysty usynys engizýdi tapsyrdy.</p>

«Óńir ákimdikteri 1 aılyq merzimde kommýnaldyq sýarý men jeke sýarý júıelerin qalpyna keltirý jáne olardy tsıfrlandyrý boıynsha jol kartalaryn qabyldaýlary qajet. Sondaı-aq kommýnaldyq gıdrotehnıkalyq qurylystardy jan-jaqty tekserý kerek», — dedi Úkimet basshysy.

Onyń atap ótýinshe, tujyrymdamany tıimdi iske asyrý úshin sý salasyn damytýdyń keshendi josparyn qabyldaý qarastyrylǵan.

«Bul jospar tujyrymdamany modernızatsııalaý men salýdy qarastyratyn sý ınfraqurylymy obektileriniń naqty tizbesimen tolyqtyrady. Sondyqtan Sý resýrstary mınıstrligi 2 aptalyq merzimde Keshendi jospardyń jobasyn Úkimet Apparatyna engizýdi qamtamasyz etsin. Ónerkásip mınıstrligi Sý resýrstary jáne Aýyl sharýashylyǵy mınıstrlikterimen birge 1 aı merzimde otandyq sý únemdeý jabdyqtarynyń óndirisin uıymdastyrý jóninde naqty usynystar engizsin», — dedi Álıhan Smaıylov.