Álıhan Smaıylov «EksonMobıl» aǵa vıtse-prezıdentimen Teńiz jáne Qashaǵan ken oryndaryn damytý máselesin talqylady

<p>Álıhan Smaıylov &laquo;EksonMobıl&raquo; kompanııasynyń aǵa vıtse-prezıdentimen Teńiz jáne Qashaǵan ken oryndaryn odan ári damytý máselesin talqylady Sársenbi, 4 qazanda QR Premer-Mınıstri Álıhan Smaıylov &laquo;EksonMobıl&raquo; kompanııasynyń aǵa vıtse-prezıdenti Djon Ýılanmen kezdesti, dep habarlaıdy <a href="https://kaz.inform.kz/news/aziya-oyindari-kazakstan-korzhinina-tagi-br-kums-medal-tust-ab1586/" target="_blank" rel="noopener">QazAqparat </a>Úkimettiń <a href="https://primeminister.kz/kz/news/alikhan-smayylov-eksonmobil-kompaniyasynyn-aga-vitse-prezidentimen-teniz-zhane-kashagan-ken-oryndaryn-odan-ari-damytu-maselesin-talkylady-25791" target="_blank" rel="noopener">resmı saıtyna</a> silteme jasap.</p>

Taraptar bolashaqta Teńiz ken ornynda saǵalyq qysymdy keńeıtý jáne basqarý jobalaryn iske asyrýdy, Qashaǵan ken ornyn odan ári ıgerý josparlaryn, suıytylǵan munaı gazyn ishki naryqqa jetkizý jáne gaz bólý keshenin salý máselelerin talqylady.

Úkimet basshysy iri munaı-gaz jobalaryndaǵy jergilikti qamtýdy arttyrý ekonomıkanyń bazalyq salalaryn damytýdyń negizgi faktorlarynyń biri ekenin atap ótti. Osyǵan baılanysty ol operatorlardyń qajettilikteri úshin ónim shyǵarýǵa múddeli jergilikti óndirýshilermen ózara is-qımyldy nyǵaıtýǵa shaqyrdy.

«Bul qazirgi ýaqytta ımporttalatyn birqatar munaı-gaz mashına jasaý ónimderine degen qajettilikti óteýge múmkindik beredi», — dedi Álıhan Smaıylov.

Jalpy, Premer-Mınıstr Úkimet birlesken josparlardy iske asyrý sheńberinde kompanııamen syndarly dıalogqa árqashan ashyq ekenin atap ótti.

Óz kezeginde Djon Ýılan «EksonMobıl» Qazaqstanda óz ókildigin ashqan sheteldik halyqaralyq munaı kompanııalarynyń arasynda alǵashqylardyń biri bolǵanyn eske saldy.

«Búgingi tańda biz respýblıkaǵa $28 mlrd-tan astam ınvestıtsııa saldyq, bul bizdi eń iri sheteldik ınvestorlardyń birine aınaldyrady. Qashaǵan, Teńiz jáne Kaspıı qubyry konsortsıýmy sııaqty iri jobalardaǵy burynnan kele jatqan seriktes bola otyryp, biz ekijaqty baılanystarymyz ben strategııalyq seriktestigimizdi odan ári nyǵaıta túsemiz dep úmittenemiz», — dedi ol.