Álıhan Smaıylov: Egemendikti kózdiń qarashyǵyndaı saqtaý – asyl boryshymyz

<p>Álıhan Smaıylov qazaqstandyqtardy Respýblıka kúnimen quttyqtady, dep habarlaıdy Kazinform QR Úkimetiniń baspasóz qyzmetine silteme jasap.&nbsp;</p>

«Qurmetti otandastar! Barshańyzdy elimizdiń eń ulyq merekesi – Respýblıka kúnimen shyn júrekten quttyqtaımyn!

Az ǵana ýaqytta aýqymdy reformalardy júzege asyrǵan Qazaqstan jańǵyrý men ornyqty damýdyń jańa kezeńine qadam basty. Eńbekqor halqymyzdyń yntymaǵynyń arqasynda el ekonomıkasy jahandyq syn-qaterlerge tótep berip, jańa ónerkásip saıasaty tıimdi iske asyrylyp keledi.

Qoǵamdyq ómirimizde saltanat qurǵan ulttyq kelisim men áleýmettik aýyzbirshilik sııaqty qasterli qundylyqtar ǵana memlekettigimizdiń tuǵyryn bıiktetip, ekonomıkalyq jetistikterimizdiń arqaýy bolyp qala bermek. Halqymyzdy otanshyldyq rýhyndaǵy ortaq maqsatqa uıystyrýda osynaý mereıli kúnniń mańyzy erekshe" delingen quttyqtaý mátininde.

Sóz sońynda premer-mınıstr el ıgiligi jolynda eńbek etip, egemendikti kózdiń qarashyǵyndaı saqtaý – bizdiń bárimizdiń asyl boryshymyz ekenin atap ótti. 

"Aıtýly merekede Sizderge myqty densaýlyq, otbasylaryńyzǵa baq-bereke, eńbekterińizge tolaǵaı tabys tileımin. El eńsesi árdaıym bıik bolsyn!", - dep túıindedi sózin Úkimet basshysy.